شقه بخميس مشيط حى الخالدية ..بكامل العفش ....فرصه

[مدام احمد]

السلام عليكم ورحمه الله وبركاته

ازيكن جميعا

زى ما شوفتوا العنوان كده شقه فى السعودية فى المنطقة الجنوبيه
فى مدينة خميش مشيط بعد مدينة ابها بحوالى ربع ساعة بالسيارة
بحى الخالدية بكامل عفشها لدواعى النقل والسفر

اللى عايزه الشقه بكل اللى فيها مفيش مشكلة

واللى عايزة العفش من غير الشقة مفيش مشكلة

واللى عايزه حاجه من العفش بردوا مفيش مشكلة

واللى مش عايزه حاجه خالص ماتخرجش من غير دعوة حلوة ترفع الموضوع

شوفى بئه اللى فيها ...

اولا الشقه موقعها حلو
وبيدخلها الشمس فى اوضتين على الشارع ومش حر ..هى فى الدور التانى
3 حجرات حجمهم كويس و2 حمام ومطبخ كبير
وطرقة بين الاوض كبيرة

فيها طقم انتريه كامل حوالى 6 قطه و2 كورنر و3 ترابيزه بتاعته (2 فى النص و واحده فى الجمب)
وستارة بنفس اللون بالبلتكانه كمان وسجادة كبيرة بنفس اللون السائد كحلى
والستائر ليها بتاعه كده بتمسكها من الجمب لونها دهبى ..بصراحه معرفش اسمها ايه
وفى كمان مكتبة للتلفزيون والكتب

وفيها اوضة نوم كبيرة كاملة
(سرير زوجى كبير بمرايه فوقه +2كومودينو+ دولات 3 درفات +تواليت بمرايه وادراج +ستارة وبلتكانة)


وفيها اوضة نوم تانيه (سرير مفرد +دولاب درفتين +كومودينوا + مكتب ليه صغير +ستارة وبلتكانة)

وفيها ثلاجة مستعملة وغسالة هاف اوتوماتك مستعملة

وفبها جزامة كبيرة ومشايات للارض - وترابيزه بلاستك مستطيلة ب 4 كراسى

وفيها منشر كبير وبلاستيكات كتير - وفيها مكتب للمذاكرة

وفيها بوتاجاز 4 شعلة وفرن استعمال نضيف زى الفل

والحاجه بصفه عامة فى الشقه كلها نظيفه حتى المستعمل نضيف

ولو حد عايز الدش الطبق اللى على السطح بالسلك - وكمان راوتر واير لس

_______________________________

بالتوفيق ...وماتنسيش الدعوة الحلوة