قصيده بمناسبة شفاء الملك حفظه الله

[الجوهره المصونه]

قصيدة بمناسبة شفاء الملك عبد الله بن عبدالعزيز حفظه الله


قال الشاعر محمد القثامي قصيدة بمناسبة سلامة خادم الحرمين الشريفين الملك عبد الله بن عبد العزيز – حفظه الله - من العارض الصحي الذي ألمَّ به




سيد الجود
يوم القصايد بين حاوي ومردود
جتني تدافع والخطاوي سريعة
نظمت منها عقود وعقود وعقود
واودعتها اللي ما يضيع وديعة
ويا خادم البيتين يا سيد الجود
يا حاكم الدولة بحكم الشريعة
انت الفخر والمجد بيديك معقود
ولامرك جموع الناس جاتك مطيعة
ويا وافي المدة ذرى كل مضهود
يا شامخٍ فيك التواضع طبيعة
شمخت بأفعالك وخلق الله شهود
وحصنت دارك بالحضون المنيعة
وسيفك لنشر الحق والعدل مجرود
يبتر يدين أهل المكر والخديعة
وبذلت في لمّ الشمل كل مجهود
ومبادراتك دايم ن فالطليعة
ويا سيدي ولك الغلا ما له حدود
وحبك على روس المنابر نذيعه
وهذي قلوب الشعب تاقف لك حشود
وتبايعك بيعة مهي بأي بيعة
بيعة وفا ما بين سيد ومسيود
تجهر بها أصحاب النفوس الرفيعة
ودامك يا بومتعب على الأرض موجود
شعبك بخير وشوفتك هي ربيعة
ووقفتك سالم تروي كبود وكبود
وهي غاية الشعب السعودي جميعه
ويا الله يا رحمن يا خير معبود
يا باسط السبع الفجاج الوسيعة
تحفظ أبومتعب ذرى كل مضهود
اللي حكمنا بالعدل والشريعة