فضفضة من القلب

[إيفان]

صرت اكره اشوف إي بنت حامل شعور مش حلو ابدا اذكر إجهاضاتي واذكر حملي في بنتي ومعاناتي بعد الحمد لله رزقني سوار بعد 3 إجهاضات بس ما إنتهت معاناتي لهون بسبب اهل زوجي تخلى عني وعن بنتو وحاليا من إسبوعين إطلقت بعد ماحردت 8 شهور صبايا الرجال بتعوضو لا تخافو بس اطفالنا وانو الست تصير ام بتسوى الدنيا ومافيها بس منظر بنت حامل بخليني اعيد كل ذكرياتي ماشفت يوم حلو آخ والله تعبت وقلبي مكسور ع بنتي ليش هيك صار مش عارفة من دون إي مقدمات إنقلب حياتي راس ع عقب والله التفاصيل كثيرة بس تعبت احكي تعبت من الشفقة تعبت تنظير ما بدي حد يعلق إلي بعرف إيفان من المشتركات شوفو لوين وصلت والحمد لله انا وبنت وبس وحيات إلي خلقني ما ارجع آمن لإنسان بحياتي ولا ابدي مصلحة شخص ع مصلحتي ومصلحة بنتي وربنا يعطيني طولة عمر راح اخذ حقي لآخر يوم بعمري من كل إنسان ظلمني ع قولة زوجي مثل اردني كان يظل يحكية كوني فلسطينية بدوي اخذ حقو بعد 40 سنة وقال إستعجلت وهذا إلي راح يصير مش راح انسى واقول اعديها انا والزمن واهلو وبنشوف مين بضحك بالنهاية