يلي خايفين من أشعة الصبغة .. تعاااالوووو احكيلكم عن تجربتي

[Rooma Abood]

مساءكم ورد جميعااااا

حابة احكيلكم عن تجربتي في أشعة الصبغة للأستفادة واشيل عنكم همها وخوفها وما بدي شي الا تتدعولي بالذرية الصالحة

رح احكي بتفصيل وان شاء الله ماتملوووو


أول شي أنا الدكتورة طلبت مني الأشعة من شهر رمضان وأنا اتهربت منها وخفت وقررت ما أعملها
لحد ما الشهر الماضي قريت مقال طبي عن فوائدها وأن 40% من الحالات حملو بعدها حتى لو طلعو سليمين وأن هيا تشخيصية وعلاجية بنفس الوقت تشجعت شوووي وصرت اقرأ عنها كتييير وتفرجت ع مقاطع ف يوتيوب وقلت لزوجي بدي أعملها الصراحة شجعني كتير وقلي توكلنا ع الله
رحت حجزت عند دكتورة مشهورة في الأشعة واعطوني موعد وورقة مكتوب فيها تعليمات :
طالبين تحليل ثلاثي (وباء كبدي وسيدا ) وأن روح فاطرة منيح وأن اكون بعد ماخلصت دورتي وقبل تبويضي وان كون شاربة مي كتير
توكلت ع الله الصبح صحيت رغم اني مانمت الا ساعتين من خوفي وضليت طوووول الليل استغفر وصلي وادعي أنها تكون برد وسلام علي وما حس شي


دخلت العيادة ولقيت دكتورة قالتلي أنتي بعد يلي جوا اقعدي جنب الباب وتوتر ممنوع ولازم تثبتي اثناء التصوير قلت ماشي زوجي قعد جنبي ويقولي اهدي اوووكي سكتت وهديت لأني كنت مرعوبة من كتر ماسمعت أنها بتوجع وأنا هديت من هون واسمعلكم صراااااخ اللي جوا عم تعيط وتبكي أنا هووون خلاص قررت ارجع ع البيت صوتها عااااالي وتقول لالا صعبة وتصرررخ الله يهديها رعبتني وصرت ابكي وزوجي يقولي اهدي اهدي ماتهتمي فيها وشيل غطاء وشي ماعاد حسيت بنفسي الهواء رااااح
خلصت المدام ونادو ع اسمي وصرت اررررجف وودع زوجي كأني داخلة ع الموت هههههه الله يهديني بحب الدراما
دخلت الغرفة وكان في جهاز كبيييير كأنو جهاز رنين المغناطيسي طلبت مني بدل ملابسي واجي نام رحت حمام ورجعت نمت واشوفلكم الأجهزة والأدوات ورجليا صارو يرجفو وعيوني دموع اجت الممرضة الله يجازيها خير تهديني قلتلها أنا كنت هادية اللي قبلي رعبتي من صوتها قالتلي لا تهتمي هي وحدة دلوعة ههههه ضحكت قلتلها وأنا خوافة وجبانة شو هالأبر بيخوفو قالتلي لا أنتي الباين شجاعة ورح تشوفي كل ماتثبتي وما تتحركي رح يطلعو صور واضحين قلتلها ماشي اجت دكتورة
وبلشت ايديها خفيييييفة صارت تحكي معي وتسليني وتتضحك معي قلتلها اذا صرخت ما تعيطي علي وسامحيني أنا خوافة قالتلي انتي الخسرانة هيك صور رح يطلعو مو زابطين وما رح تستفادي شي وهيا عم تحكي وأنا منسجمة فجأة حسسسس ب امتلاء بالبطن قلتلها بلشتي قالتلي شوووي ونخلص صرت قول يارب يارب يارب واستغفرررر كتييييير قلتلها شووو قالت خلصت انصدمتتتتتتتت صرت قوللها عن جد قالت اي وعقمتني واجت قومتني ما استمر الموضوع كلو كلو إلا 3 دقايق فقط من لما نمت لحد ماقمت تخيلوووو وأنا من صدمة صرت ابكي ههههه مابعرف ليش يمكن لأني كنت متوقتعها اصعب من هيك عن جد يا بناات والله ماحسيت الا بضغظ خفييييف وكأن عبيت بطني ماء بسسسس هيك حسيت قوموني ودخلت الحمام لقيت شوووية دم وصبغة نازلة لونها أزرق لبست وطلعت اضحك وقوللها ماعم حس شي مارح حس صح قالتلي يمكن تحسي بالام وبفشل وصداع ودوخة خذي بنادول ونامي
وفعلا بس طلعت لزوجي حسيت بدوخة وقعدت ع الكرسي ربع ساعة وطلعت ع البيت
دغري تسطحت واستنى الالم اللي حكو عنو ماشفتوووو ولا حسيتو الحمد لله ابداااااا ماعدا ان تعبت وبس بدي ظل متسطحة واليوم صبح حسيت بصداع بسسسس
والنتيجة :

الحمد لله حمدا كثيرا طيبا مباركا فيه طلعت سليمة مافي شييي ابدا الحمد لله


ف يابناات اللي هربانة منها وعم تأجل ترووووح ركض تعملها وماتسمعوا حكي حدا أنا سمعت صراخ بأذني سمعتووووا تخيلوووو ومع هيك قلت رح اعملها والحمد لله تشجعت ومبسووووطة أني عملتها حتى زوجي مستغرب شجاعتي وأنو ماسمع ولا صرخة مني وقالي رفعتيلي رأسي خفت يسمعوك برا ههههههههه وراجع للبيت مبسوط مو بالنتيجة لاااا هوا كان متأكد ان رح اطلع سليمة مبسوط لأني طلعت قوية ههههههه
أهم شي ادعوا كتير واستغفروا كتيييير وبأذن الله رح تكون بسيطة وسهلة
ومنشان النونو بيهون كل شي 😍 صح ؟
الله يرزقني ويرزقكم وأسفة طوووولت بس حبيت حطكم بالجو منشان تتشجعو مثلي 💪

وماتنسوني من دعواتكم