اول تجربه تلقيح صناعي

[أم ديمه]

السلام عليكم ورحمه الله وبركاته
حبيت اشارككم تجربتي واستشير بنفس الوقت انا تزوجت مرتين والله ماكتب لي حمل المره الثانيه بعد 8 شهور رحت للطبيبة اعطتني كلوميد وبرضه ماوصلت البويضه للحجم المطلوب اخذت 3 ابر على مدى 3 ايام لتكبير البويضه وبعدها الابرة التفجيرية والله ماكتب حمل كنت تعبانه وكنت واثقه انه هذي الالام الم حمل بس اللله ماكتب ارتحت الشهرين اللي بعده وبعدها اخذت كلوميد وابر وكمان ماحصل حمل بعدها وكررت العمليه 4 شهور علما انه سويت تحاليل ومافيه سبب يمنع الحمل كان عندى ارتفاع في هرمون الحليب وعالجنه قبل ابدا باي علاج الكلوميد سبب لي تكيسات قالت لي الطبيبة هذا الشهر وش رايك نجرب التلقيح الصناعي واخذت الكلوميد وجيت للدكتوره 9 يوم من الدوره كان فيه بويضه حجمها 13 والثانيه 17 اخذت ابره يوم الاربعاء تكبر البويضه ويوم الخميس وصلت 20 ونصف والثانيه 15 قالت الدكتوره ماتنفع اخذت ابرة تفجيريه ويوم الجمعه جيت للمركز مع زوجي اخذو عينه من السائل المنوي للمختبر بعد ساعه ونصف خلص والدكتوره حقنته داخل الرحم وقالت اجلسي شوي ارتاحي واذا رحتي للبيت التزمي الراحه
هل تعتقدون ممكن يحصل حمل في البويضه اللي حجمها 15 لانه اكيد راح تكبر مع الابره التفجيريه ؟
مين جربت تلقيح صناعي وكيف هل حصل حمل او لا ؟
متى ممكن اعرف لانه الدكتوره قالت لي اخذ الدفاستون 10 ايام ؟ وانتظر الدوره ؟ طيب اللي متحمس وش يسوي
هذي تجربتي وراح ابلغكم ان شاء الله بنتجه التحليل نهايه الشهر , واتمنى من ربي يرزقني وكل محروم وكل من يتمى الطفل باطفال سالمين معافين طاعين لرب العالمين