تجربة اختي مع تاخر الحمل

[~JOJO~]

السلام عليكم ورحمة الله

كيفكم حبيباااتي ؟!

راح ادخل بالموضوع على طول .... اختي كانت تعاني من تاخر الحمل وكلام الأطباء كان متضارب مرات يقولون حجم البويضة صغير ... و اللي قالوا لها عندها تكيسات على المبايض ... وآخر وحده قالت لها ماعندك تبويض نهائياً!!!

المهم .. المسكينه عملت كل شي يخطر على بالكم من متابعة تبويض وأخذت منشطات ومعاها أبر تفجير وحبوب منع الحمل و كل مره مايصير حمل و جربت التلقيح الصناعي ومثبتات بعد التلقيح

وربي ماكتب لها الحمل ،، واستمرت على هذا الحال اكثر من اربع سنوات وفي الاخر خلاص كانت ناويه على طفل الأنابيب كحل اخير وحجزت موعد خلاص مع الدكتور بس عشان الزحمة

تاخر موعدها كم شهر

وفي الشهور هذي كانت فاضيه و قررت تجرب شي جديد عشان الصحه العامة يعني ماكان في بالها انه بيساعدها بعد الله
على الحمل ... والله يا بنات انها استخدمته و جاتها الدوره الشهر الاول

والشهر الثاني ما شافتها ،،، وعملت تحليل وطلعت بفضل الله حامل

والحمد لله رب العالمين ،،، أكرمها ربي بعد معاناه نفسيه و ماديه كمان هذا غير كلام الناس

واسالتهم اللي ماتخلص



عموماً الشي اللي استخدمته هو




اسبرين الأطفال ( جوسبرين )




وكانت تشرب مويا حوالي لترين يومياً وكثير تدعي وتستغفر


والحمد لله رب العالمين ... مشت أمورها وما احتاجت لا انابيب ولا غيره

و حملتني امانه أني اكتب تجربتها في المنتدى يمكن تنفع اي وحده منتظره وكل اللي تبغاه دعوه بظهر الغيب


بس انتبهوا ،،، كل وحده ادرى بصحتها ،،، استشيري دكتورتك قبل تاخذي اي علاج

واسأل الله ان يرزق كل منتظره ومحرومه ذرية طيبة صالحه

ولا تنسوني من دعواتكم


ا