دورتي مخربطة وموجعة راسي اريد احد يطمنني

[" امنية حياتي "]

السلام عليكم حبيباتي كيفكم

انا متزوجة من ثلاث شهور وزوجي عنده انعداام حيوانات منوية بسبب ارتفاع هرمون الحليب وهذا ينرادله فترة من االعلاج وهو لسه ما بدا الحين على كل حال والحمدلله ..

انا بصراحة بهاي الفترة مستبعدة نهائيا فكرة انه اصير حامل مع انه هو حلمي انه اكون أم واشوف طفلي وانا ضامته بأيدي لكن وش اسوي هذه ارادة الله وحكمته لكن بنفس الوقت ماكو شي مستبعد سبحانه وتعالى

انا اسفة طولت عليكم لكن قصتي بأختصار انه دورتي الشهرية قبل الزواج كانت 30 يوم والحين بعد الزواج صارت 25 والحمدلله على كل حال

اخر دورة الية كانت بيوم 25-10-2014 والدم كان جدا قليل واستمر يومين واصلا للحين انا مو مقتنعة بأنه هية دورة ولو زوجي ماكان عنده ضعف كنت بقول انه هذا حمل ,, المهم آنه طنشت وكلت خلاص هذه دورة ونسيت الموضوع

الحين دورتي المفروض كانت يوم أمس 18-11-2014 وماا أجت الدورة لحد اليوم 19-11-2014 الساعة 2 بعد الظهر واجت خفيفة بالبداية على شكل خيوط دم فانا قلت خلاص بتشرف الدورة وخليت الفوطة لكن تفاجأت انه الدم كذلك قليل جدا وأقل بعد من الشهر المضى والفوطة مثل ما هية ولا توسخت بس نقطتين ولا أكثثثر

مادري والله انا في حيرة مادري وش بيصير وياي هذه لخبطة في الهرمونات ولا ... حمل ؟

وصيت زوجي يشتريلي فحص الحمل المنزلي والله كام يضحك علي ويقول انا صفر منين رح يجيلج الحمل وانا بكوله والله انا مثلك ماني مقتنعة بس ماني مرتاحة وبالي مشغول اريد جواب على دورتي اللي موجعة راسي ومدا تريد تنتظم

والحمد لله هو اشترالي الفحص بس هو مانه مقتنع ولا انا طبعا ههههه تكفون سؤال وهو بعد كم يوم لازم اسوي الاختبار ولو ادري طولت عليكم سؤال ثاني شنو الاسباب اللي ممكن يخلي الدورة تتلخبط بهالشكل عدا الحمل على فرض استبعاد فكرة الحمل علما انه انا لا تناولت منشطات ولا حبوب ولا أي وصفات طبيعية

واسفة مرتلخ عالاطالة والله انا مالي غيركم وانتو بعد مثل خواتي وتحياتي