وش تسون لو كنتم مكاني مقهوره من زوجي

[أإأم ع‘ـــزُوـوزُ]

السلآم عليكم

خواتي انـآ مقهوره من زوجي مرررررررررره

جدي توفى بالرياض وانا تزوجت وعشت بجده طبعا اكيد مع زوجي واهله
وجدي أبو أبوي

ويصير لزوجي عم أبوه يعني يقرب له

ولما دريت إن جد ي تعب قتله وديني أشوفه ماتدري وش بيصير عشان أرتاح قال مـآ أقدر شغلي مارح يعطوني إجـآزه بس هذي أزمه مـآرضى

والحين جدي رحمة الله عليه توفى قتله بروح عند أهلي عشان العزى قال ضغط بشغلي وماحد يمسك مكاني هو يشتغل بشركة محمود سعيد حق العود

قال بنسوي عزى هنا لآن كمان جماعة جدي فيه هنا بس شويين

زعلت منه وقتله بوجهه ياليتني ماتزوجتك إنت ماتقدرني ولا تقدر أهلي وإذآ ماوديتني عند اهل رح أشيل عليك بقلبي نقطه سوده منك

قبل كذآ يوم تزوجت كنت أقوله وديني قعدت 8 شهور بعد الزواج ماوداني إلآ لما حملت وعشان أولد ودأني وبالقوه

قتله إنت تزوجتني عشان تحرمني من اهلي

بس عوضني 8 شهوربعد الزواج مارحت اهلي
ووخلآني اجلس عند اهلي 3 شهور قبل الولاده بشهرين وشهر وإسبوع وكم يوم حق النفاس

وكل ماقتتله إذآ سمحت ظروفي بوديك أنـآ تشرطة عليه قبل الزواج أزور أهلي بالسنه مرتين

بس أشوف بالسنه مره والله يستر

زوجي مايحب السفر بالسياره والباص والطياره مكلف ويقول عادي بس تتوفر الإمكانيات

أنـآ أموت عليه واحبه وهو بعد وإحنـآ لك الحمد متفاهمين وعمرنا ماشاء الله ماتهاوشا ولآ تزاعلنـآ إلأ بهذي المشكله زيارة اهلي

وانـآ متعلقه مرررررررررره بجدي وأبوي مرره زعلان ومتضايق بوفاة جدي ويوم كلمت بابا قالي خلليني أشوفك تعالي

مقهوووره فيه عزى ببيت اهلي بالرياض وانا بجده مارحتهم هذي ازمه مصيبه مافي عذر أقوى

للحين زعلانه منه وما اكلمه واقوله إنت خيبت ظني فيك إنت مو حق واجب قال خلاص عزيناهم بالتلفون يقولي شغلي وشغلي يتحجج بشغله

هذي مشكلتي الوحيده معه مايودني عند اهلي لما اطلبه لييييييييييييه والحين عزى عزي في ظرف اصعب من كذآ ....

إنتم لو مكاني وش بتسون ومن إللي بعيده عن اهلهـآ وكم مرره تزورهم ...