تأخرت دورتي اكثر من شهر ونص ..

[الأموووره]

السلام عليكم ورحمة الله وبركاته
ربي لا تذرني فرداً وانت خير الوارثين ♡

اول موضوع لي ف المنتدى بعد متابعة سنه معاكم
الله يجعله بداية خير
حبيباتي بقولكم وش صار معي

انا متزوجه من سنه وثلاث شهور وماكتب لي ربي الحمل ولا اخذت موانع ابدا ولا كد تأخرت هالقد ابد دايما من خمس الى سبع ايام حدها
والحين اخر دورة جتني ب 5شوال والحين ذو الحجه وما شرفت :(
سويت اختبار الحمل كم مره وكله سالب ..
بعد ماكانت متأخره ثلاث اسابيع رحت للدكتوره وسويت تحليل هرمونات وحمل .. الحمل طلع سالب والهرمونات قالت لي طبيعيه حتى هرمون الحليب لاكن قالت فيه انخفاض بهرمون الغده الدرقيه ويمكن هو السبب وحاولت تعطيني حبوب تنزلها بس مدري وش اللي منعني سبحان الله
بعدها سوت لي اشعة قالت تمام لاكن فيه كيس صغيير مره ومايأثر وفيه بويضه حجمها 18 معناها ان التبويض متأخر عندك
بعد كلامها هذا توكلت على الله وقلت انتظر وبعد 3 ايام سافرت لأهلي ونسيت سالفة الدوره مع العيد والطلعات وكذا
لكن بعدتقريبا اسبوع من كلام الدكتوره نزل معي شوي دم وردي مخلوط بأفرازات شفافه فقط لما مسحت اول مره بعدها مافيه شي افرازات شفافه فقط واليوم الثاني نفس الشي نقطه لكن مو وردي صار بني فااااتح كنت على هالحاله خمس ايام لاكن ماتنزل الا مره بانهار واليوم الثاني مافيه شي ابد اولاحظت انه ينزل اذا اجهدت نفسي او ركبت سياره تهتز كثير
وبنفس هذي الايام اللي جتني شوية لخبطه كانت معي سخونه وزكام وتعب الله لايوريكم وكل اللي يشوفوني يقولون ان شاءالله سخونة حمل
وباليوم الخامس رجعت لبيتي وكل شي تمام ووقفت اللخبطه هذي
والحين لي اسبوع من رجعت وكل شي طبيعي مجرد افرازات شفافه كثيير من تأخرت الدوره وهي معي
وسويت تحليل منزلي امس وطلع لي خط واحد :((
رايكم وش اسوي تعبت من الانتظار ومره متأمله خير
وتتوقعون اللخبطه اللي جتني تكون بسبب انغراس البويضه ومالها اسبوع علشان كذا مابين الحمل وانا من جتني اللخبطه نصحوني اشرب حلبه قالو اذا حمل خفيف ترفعه واذا دوره تنزل ومن شربتها وقفت اللخبطه اللي معي
وللحين مامعي اي اعراض حمل او دوره مجرد صدري يألمني خاصتن بعد النوم وبعض اللحظات يجيني مو دوخه لاكن افقد توازني شوي
تأيدوني اصبر اسبوع واحلل دم او وش اسوي تعبت والله :( وزوجي احس طفش
ومن صارلها مثلي ونزلت الدوره او صارت حامل

الله يسعدكم طمنوني .. واللله يرزقني وكل محرومه وكل من يبغى الحمل عاجلا غير آجل يارب..♡♡