زوجي وانا ؟

[بلاك بيرية]

السلام عليكم ورحمة الله وبركاته


انا متزوجه صار لي 4 سنوات وربي مارزقني ب الحمل
من اول سنه الناس بدت تتكلم وام زوجي كل ماشافتني
قالت اقري قرأن عشان تحملين
وفعلا قريت قران ودعيت وبكيت
ورحت اكثر من عياده اول عياده قالت عندك تكيس خفيف
وعالجته من اول شهر راح ماشاء الله
هذا من غير الخلطات والتعب والعلاجات عشان اتشافى
المهم الدكتورة قالت لي زوجك حلل ؟
قلت لا وكتبت له تحليل وحلل وتخيلو يابنات
صارت الحيوانات المنوية عنده 0%
جانا انهيار بذاك اليوم وبكاء كل الليل وانا معه
هديته وعلمته ان كل شيء له علاج
وابتدينا مشوار العلاج
راح للدكتور عبدالكريم ابورمضان اللي بشارع الامير ممدوح
وصرف له علاجات خمس اشكال والله نسيت اسمائهم
بعد ثلاث شهور حلل ونفس النتيجة سبحان الله 0%
بعدها صرف له :
بروكسيد بلس عباره عن بودره يحطها بالمويه ويشربها
ومعه علاج ثاني اورثومول لمده 4 اشهر
العلاج الثاني عباره عن اربع حبوب بكيس واحد ياكلهم جميع

حلل قبل ثلاث شهور ونفس الشيء ماتغيرت النتيجة
صرف له ابر بالعضل لمدة ثلاث شهور اسمه مينوغون بالاسبوع ابرتين
خلصت الثلاث شهور وزوجي رافض يحلل
يقول تعبت من التحطيم

وقريت بالنت ولقيت كثير ناس تمدح الدكتور حمد الصفيان
اللي بمركز ذرية
واقنعته نروح له مع اوراق التحاليل واسماء العلاجات
وللحين مو مقتنع
للعلم اهلي مايدرون عن عقم زوجي واهله يدرون
تعبت من كلام الناس حتى اهله احسهم يتعمدون يفتحون سيرة الحمل
والولادة لاصرت عندهم طيب انا سليمه الحمدلله ولدكم هو اللي منه العيب
اطلع منهم مقهوره وكل من سألني اقول ماكتب ربي
اللي تزوجو بعدي كلهم جاهم عيال واالا حوامل

اللهم لا اعتراض يارب ترزقني وكل وحده تتمنى
دعو لي ولزوجي