بنات عندي مشكله ياليت ألقى عندكم الحل الله يسعدكم!!

[أم خالد85]

السلام عليكم ورحمة الله وبركاته
هلا فيكم ياحلوات ....!! بصراحة عندي مشكلة من فترة وانا والله متضايقه منها وكل مرة ابي
استشيركم فيها اتردد لكن الحين قررت اني اطرح عليكم مشكلتي لعلي أجد الحل عندكم بإذن الله
مشكلتي هي بإختصار : عن المصروف الشهري اللي يدفعه الزوج لزوجته ..
أنا تقريبا لي سنه ونص على زواجي ومن يوم تزوجت كان زوجي جديد في عمله وكنت اراعي ظروفه
بحكم اننا تونا متزوجين وكان عنده ارتباطات << تعرفون مصاريف العرس وإلى آخره ....
المهم كنت اراعي ظروفه لأبعد حد ... لكن للأسف لقيته يبخل علي في بعض الأمور يعني احيان
مثلا أكون محتاجه اشتري عطر ولا شنطه ولا شوز محتاجته يقولي عندك , يعني مو من حقي مثلا اشتري شنطه جديده
وشنطتي تقريبا لها قرابه السنه , أو شوز, أو ملابس للبيت جديده جديد المهم من هالامور ..
بعدها استشرت وحده من صديقاتي قالت لازم تعلميه انه لك مصروف شهري المهم بديت اناقشه طبعا اقتنع بعد طلوع روحي
وقالي لك 500 كل شهر قلت له اوك ... , فصار يعطيني مصروفي وانا اصرف منه كل شي يعني اي شي ابيه يقولي عندك مصروفك
حتى لو كان نفسي بآيسكريم يقولي من مصروفك , صرت انقهر من جد قلت له مو لهالدرجه يعني والله ياأخواتي لدرجه انه مايجي نص الشهرالا ومصروفي مخلص , , ,
وبعد فتره قلت له ماعاد ابي مصروف خلاص اللي ابيه اشتري لي اياه انت قالي اوك. . ورجعنا لنفس المنوال , لو بغيت اشتري اي شي نفسي فيه يقولك عندك
والله يابنات طفشت مرره مع اني احبه بس سبحان الله طاح من عيني احسه بخيل وانا نفسيتي تعبت من هذا الموضوع وانا الآن حامل وأخاف يأثر عليا
والله أغلب مشاكلنا تقريبا على هالموضوع ....,,,
ابي مشورتكم وجزاكم الله كل خيرر
/
\
:

تقديري لكم