تعبت نفسيتي من الحمل....

[صرخه آلم]

مساء الخير للجميع ...انا عضوه جديده بالمنتدى وحبيت اشترك فيه لما شفت تفاعلكم وترابطكم ومساعدتكم لبعض وقلت باذن الله القئ الحل عندكم ..
مشاكلي كثيره بس بختصرها اولا ..لما تزوجت مرت فتره اربعه شهور وكنت اتعب من بطني واكتشفت ان عندي اكياس وتعالجت منها ورجعت مره ومرتين وثلاث وبالرابعه صارت تكيسات تركت العلاجات وشربت الماء فقط بكميات كبيره وحللت والحمدالله راحت بدون علاج وكانت معاناتي تقريبا فتره سنه ونفسيتي دمار وجات قصه الحمل ليه ما حملت وش فيه وش اللي عندها عاد ما يحتاج تعرفون الاقارب وتعالجت عند وحده تمسد وتسوي اكواب هواء للبطن وفعلا الشهر الثاني وانا حامل وفرحت علشان زوجي وكمان اسكت كل الافوام اللي تكلمت ومع كذا ما زالت نفسيتي للانحدار والتدهور لان ما احد حس فيني نقلنا من مدينه لمدينه قريبه من اهلي واهله وبدت فتره الوحم كرهت نفسي وزوجي والبيت والناس كلها لا اكل ولا شرب ما كنت اعرف وش اللي يريحني وتحملت وسكت وخلص الوحم بعد اربعه شهور واللحين انا بالسادس ونفسيتي مو راضيه ترتاح مو حابه بيتي ما عاد اكلت كرهت نفسي بالحمل كل شي خرب جسمي نفسيتي انعزلت عن الناس لان باين علي التعب وكل ما احد سالني دموعي تجاوب واحس بحلقي شي مقفله والكل يظن ان بحياتي مشاكل مع زوجي بس ما بيننا شي بس ما عاد ابغئ قربه مني ابغئ اتركه بس اذا بعدت عنه اشتاق له واتمنى يجي باسرع وقت واذا صار معي اكره هاللحظه احاول اتهرب منه باي شي حتئ هو لاحظ هالشي يقول فيك شي متغير تكلمي بس المشكله لو تكلمت اش اقول وانا ما اعرف وش فيني اصلا وش اللي ملخبط كياني والمشكله ادرس وعندي اختبارات وما قادره اذاكر ... حتئ لما افكر اروح لاهلي كم يوم علشان ترتاح نفسيني بالعكس اجلس ابكي بفراشي واكلمه واتس لحد ما تغفئ عيني واذا جاء ياخذني خلاص ترجع حالتي اسوأ اتمنى احد يساعدني وربي تعبت اتمنى لو هالشهور تعدي بسرعه واولد ويكون اللي ببطني بخير بس اتمنى بلحظتها ماعاد ارجع للحياه اموت وارتاح