طمنوا قلبي طلبتكم ـ حبوب منع الحمل وكيس ماء

[Askazya]

السلام عليكم
اخباركم !!!؟؟
عساكم بخير !!!
انا بقولكم قصتي كلها
انا متزوجة من خمس اشهور و استخدمت حبوب منع الحمل جنيرا شهرين قبل زواجي و بعد زواجي استخدمتها شهرين و تركتها وصار لي أربع اشهور ما استخدمها الدكتورة صرفتها لي عشان طلع عندي كيس مائي كيس واحد بس حجمه 6 سم نقص حجمه لما استخدمت الحبوب وصار 3 سم وبعدين رجع حجمه بس مو 6 صار 5.5 و ثبت عليها و الدكتورة قالت لي الكيس دام ينقص حجمه و يرجع مامنه خوف وان شاء ما يضرك ابد لافي صحتك ولا في الحمل وفيه حريم اكثير يحملون وينزل الكيس مع الولادة بس وسألتها عن حبوب منع الحمل قالت لي الحبوب اضمن من الأبر و اللولب وغيرها يعني مالها اضرار جانبية وقلت طيب فيه ناس يقولون تجيب العقم قالت لي كلام فاضي ممكن تعطي مناعة بس ما تسبب عقم و فيه حريم بمجرد ما يتركونها يحملون فيه حريم بعد خامس او سادس دورة تحمل واللي تحمل بعد خامس او سادس دورة في هالفترة اللي مرة عليها الخمس او الست اشهور تجيها الدورة جالس الرحم في هالوقت يهيئ الرحم للحمل مع كل دورة تهيئ وترجع الهرمونات لوضعها الطبيعي عشان تحمل والصراحة انا اشرب قهوة بكثرة وشاهي اخضر ابوشيبة كاسة في اليوم يعني معقولة القهوة و الشاي الأخضر لهم دور في تأخر الحمل !!!؟؟
انا الصراحة ودي يكون عندي بيبي أتسلى معاه


مين صار لها نفسي !!!؟؟

وكم جلستم ما حملتم ؟؟!!

طمنوني بالله كلما سألت يقولون لي ما عندي علم احس انو انا اللي كيذا وما فيه احد نفسي ريحوني