بنات أنا في أيام الإباضة ومحتاجة مشورتكم ودعواتكم

[سيران]

السلام عليكم حبيباتي
انا في اليوم 11 من الدورة يعني دخلت الايام اللي لازم يتم فيها الجماع،انا لسى لا عملت مراقبة إباضة ولاشي لاني متل مابتعرفوا بالغربة و دكاترة هون باردييييين ومابيهتموا....الله وكيلكم انا اللي عم أنق عالدكتور يعمللي تحاليل ويفحصني المهم حطللي 3 مواعيد ابتداء من الدورة القادمة
موعدين محددين للتحليل يعني حددلي الايام اللي لازم احلل فيها وموعد بالسونار بيوم محدد
وانا حاليا معتمدة على ربنا وعلى نفسي لعل وعسى مااحتاج تحاليل واروح اعمل تحليل حمل بدال تحليل الهرمونات
حبيباتي من شوي صار جماع والحمدلله هي اول مرة جوزي بيرضى ارفع رجلي،لان هو ماكان قبل بدو ولاد وكان يقللي امسحي وانا ع اساس كنت امسح بس هو كان يقوم عالحمام ويفكر اني مسحت بس اني ماكنت امسح،والحمدلله رجع جوزي لرشده واقتنع انو لازم احبل وفهمته انو هاد اول يوم ولازم نشد الهمة
بس بدي استشريكم بشغلة،انا سألت الدكتور مرة وقللي لازم يصير جماع يوم اي ويوم لأ ابتداء من يوم 11 لليوم 17
بس انا خايفة ما تضل البويضة عايشة اذا نزلت باليوم اللي مابصير فيه جماع،مابعرف شو رأيكم؟؟؟؟اساوي متل ما قللي الدكتور ولا كل يوم؟؟؟؟؟مع العلم انو جوزي بيتعب ومابحسن كل يوم كل يوم،احيانا بتصدف ايام ورا بعض بس مناخد راحة بعدها يومين،هالشي بأثر عالمني انو يكون ضعيف مثلا؟؟؟؟؟
وتاني سؤال،في شي بحسن اكله او ياكله جوزي هلق حاليا بهالاسبوع لزيادة نشاط وحركة الحيوانات المنوية مثلا ؟؟؟؟؟؟
وتالت شي بدي تكثفولي دعواتكم،جد انا محتاجة حاليا تعملولي عالسريع دور في الدعاء لاني بالايام المصيرية،بنات ادعولي،محتاجة توقفوا جنبي وترفعوا معنوياتي مالي غيركم فديتكم بقلبي.......والله يرزقكم ويرزقني وكل متمنية الحمل هالشهر ياااااااارب يارب(ازرع في أحشائي جنيناً أسعد به ويفرح به قلب أبيه،رباه يا أكرم الاكرمين،أكرمني برضاك هذا الشهر ان ترزقني الحمل المعافى يا رحيم يا ودود ياعليم ياسميع ياجبار يااااااارب)