مش عارفه انام فحبيت افضفض معاكم

[لحظات سعاده]

السلام عليكم ورحمه الله وبركاته
ازيك حبيبيى ربنا يرزقنا جميعا الذريه الصالحه وربنا يقوم كل الحوامل بالسلامه يارب ويفرحهم باطفالهم يارب
حبه افضفض معكم شويه انا من متزوجه من سنه ونص وبعد 7 شهور جواز ربنا رزقنى يالحمل فى شهر كان مستحيل يحصل فيه حمل بس اراده ربنا اعظم من اى شئ وعرفت الحمل بالصدفه وللاسف كان لازم ينزل لانه كان خارج الرحم والحمد لله شوفت الموت شهرين لغايه مانزل والحمد لله دلوقتى انا ليه سنه شهر5 الجايه بس انا حاسه ان الايام دى شبه السنه اللى فاتت اوووى بحس ان الاحداث بتتكرر الكلام بيتكرر كل حاجه بتتكرر تانى بالظبط مش عارفه انام مش عارفه اقعد كل لما احط راسي على المخده الشريط كاه بيجرى قدام عينى واول لما بصحى من النوم بشم ريحه اليوم ده حتى النهار بحس انه شبه اليوم ده كل حاجه بتفكرى باليوم ده وقلبي يقعد يدق من كتر الخوف
اسفه انى طولت عليكم بس والله حاجه صعبه اوى يمكن انا مش عارفه اوصف الحاله بس الله اعلم بيا


ربنا يفرحنا جميعا بالذريه الصالحه