سلام عليكم
بقول السالفه على طول لاني تعبت وماادري شسوي
لي سنه متزوجه وحامل 6 شهور قبل كم يوم اعترف لي زوجي انه يدخن من اربع سنوات
وانه يشرب احيانا واكثر شي اذا سافر
انا كنت شاكه بس مو متاكده لانه مرتين جاني البيت وريحته غريبه وتفوح وسالته قال لي بيره ومشيتها له مع اني كنت متاكده انها موبيره لانه يشرب البيره العاديه عندي بالبيت مو كذا ريحتها وسكت ,,
الموضوع هذا من 4 شهور يمكن
حاولت اتكلم معه اناقشه بعد ماعترف لي بس هو مو مقتنع يقول بيجي يوم واتركه بس ماادري متى
انا نفسيتي مع الحمل تعبانه حيل بحكم اني بعيده عن اهلي
وطبعا هو قريبي من نفس العايله عشان كذا اخاف الامور تتعقد وتصير مشكله بينا الاهل
ما ابي تصير مشكله ولاسمح الله طلاق افكر اذا ولدت بالسلامه ورحت لهلي ماارجع لين يشوف حل مع نفسه طبعا بيني وبينه يصير هالكلام واذا مارضى مشكلته خل الناس تدري محد راح يلومني
المشكله بعد مااعترف لي حذرني ما اعلم احد حتى لو صارت بينا مشكله لا سمح الله
بس احسه صار يتمادى صار قبل ينام ينزل تحت يدخن ولاقلت وينك قال ادخن مع انه قبل ماكان يسوي هالحركه نهائي واخاف يتمادى اكثر
لاني اليوم اشوفه يتكلم مع خويه عالواتس اب يقول له ابي اسافر
ويلمح لي اليوم يقول بروح دبي نشتري سياره لخويي ادري عذر بس عشان يروح ومشكلته حالته الماديه مو ذاك الزود الراتب يالله يكفينا صرت اشك انه يحط ميزانيه لخرابيطه على حسابنا ويزنقنا كل شهر
انا مانكر انه مايقصر معي يحاول يرضيني بس اخاف سكوتي يخليه يتمادى اكثر واكثر ولما اتكلم بعدين يقولون ليش ساكته من اول
انا حاليا جالسه اسوي نفسي عادي ومو متاثره بس ماادري لمتى خايفه على البيبي من النفسيه اللي انا فيها
شورو علي هل اخرب بيتي بيدي
او
اتحمل واسكت لين الله يفرجها
04-02-2013, 11:30 PM
زوجي اعترف لي ,, وماادري شسوي؟؟
سبحانك يارب 
جديد منتدى منتدى الحياة الأسرية والزوجية
العرض الشجري
