الحمد لله رب العالمين ....اعراض حملى بالتفصيل الملل

[ميادة على]

السلام عليكم ورحمة الله
اخواتى الحبيبات
الحمد لله كما ينبفى لجلال وجهك وعظيم سلطانك

قبل اى شىء احب ادعى لكل بنت ربنا اكيد برحمته الواسعه هيفرحها قريب
محدش يقول كلمه مستحيل او انا خلاص مش هخلف او مش هفرح لا والله
ربنا كــــــــــــــــــــــــريم ورحـــــــــــــــيم جدا جدا وهيزقك وهيفرحك مهما طال
مدة غياب الحمل

انتم طبعا متابعين معايا من اول مظهر عليا علامات الحمل وكنت بنزلها بالتفصيل
وانا دة اول حمل ليا وبحكى بكل قلب ومش بخاف من الحسد ان بعد لم ربنا فرحنى
مفرحكوش معايا واعطيكم الامل فى الله وحدة

انا النهردة روحت للدكتورة المتابعه الخاصه بى ومعملتش تحليل دم غير اللى فات
لان الاولا للى كنت عملاه قبل الدورة ب 4 ايام كان (حمل ضعيف) فخلاص قولت هروح للدكتورة وهى تقولى هعمل اية بعد
غيباب الدورة 5 ايام

وريتها تست الحمل اللى عملته النهردة بس الخط التانى مش زى الخط الاحمر الغامق اوى
بس واضح والحمد لله

كشفت عليا سونار وقلتلى لسه كيس الحمل مش ظاهر لانى تقريبا فى الاسبوع الرابع
بس كانت الصدمه انها لقت رحمى معوج وقلتلى عشان كدة اتاخرتى فى الحمل

بس انا سمعت نصايح البنات هنا وبقيت مستمرة على وضع السجود على طول
وسبحان الله والحمد لله حملت عليه


قتلى طبعا انا لازم ليا الراحله لان فرض الاجهاض اكبر من الحامل اللى رحمها معدول
وان شاء الله الرحم المعوج بيتعدل لوحدة بعد الشهر الرابع وبيدخل فى تجويف البطن

رغم ان كلامى يخوف ويقلق بس والله انا مش خايفه ومتوكله على الله وبدعى ربنا زى
معطانى حاجة من حيث لا احتسب انه يحفظها ليا من كل شكر ويسلمه ليا سالم غانم
طبعا الدكتورة منعتنى من السفر تماما (يعنى مش هسافر فى شم النسيم )
وشيل او دفع الاشياء الثقيله وطبعا عدم ممارسه الجماع 3 شهور تماما بلاخص للي رحمها معوج
عشان ممكن اثناء الجماع يوصل للرحم ويحصلى ضرر لقدر الله

وعشان تعرفوا نعم ربنا عليا وكرمه انا كان بينزلى لبن من الثدى من قبل الجواز وحتى بعدة
بس سبحان الله اختفى فى الشهر اللى حملت فيه والا روحت ل دكتورة والا اى شىء والا اعرف
دة ايه اصلا غير منكم هنا لم اتجوزت وبردوا مش روحت لاى دكتورة كنت خايفة
بس اعتقد انها حاله نفسيه لانى بكون مشدودة وزعلانه جدا وقتها
الحمد لله يارب اللهم ذنى من نعمك يارب

عشان بس تعرفى ان ربنا طيب اوى وحنين اوى اوى
قولى بس انتى يارب

نيجى بقى للمهم

عملت انا ايه الشهر اللى فات عشان اذود فرص حملى ؟؟؟



من بدايه الدورة بشرب يوميا اناناس طبيعى مش نكتار الاناناس
واشتريت اناناس فاكهه وعملتها انا فى البيت واكلت قلبها

الصبح كبايه حلبه وبنص اليوم قرفه بالزنجبيل واخر اليوم كوبايه اناناس (عصير جهينه بيور )


لحد 8 يوم فى الدورة لان دورتى قصيرة فخفت اضر نفسى وقت التبويض


وكنت بحضر من جويا ومش بقول لجوزى ابدا عشان مش اذيد من جو التوتر
ودايما مستمرة على وضع السجود بحجه انى بحبه هههههههههههههه
فعلا النساء دول لئمه جدا

حتى لو بتحبوا اى وضع تانى انهى الجماع بوضع السجود (عذرا على التوضيح )


الاستمرار على الجمال يوميا ايام التبويض ولو مرتين فى اليوم مع انه ساعات بيكون صعب
بس افضل عشان بس الفرص مش تروح منكم

اخيرا اعراض حملى بالتفصيل


فى وقت التبويض كنت حاسه بحاجه غريبه زى مثلا مش طايقه نفسك وفاجاه عايزة تتمردى وخلاص مع انك عارفه ان مفيش سبب لكدة

ومفيش اى اعراض عضويه فى اول اسبوع تبويض غير نغزة صغيرة فى الرحم لما جيت انام على بطنى وراحت على طول لم عدلت نفسى

تانى اسبوع كان اعراض
1_ انا نضيفه جدا كنت بعد الاستحمام مثلا بساعتين
رائحه عرق الابط وحشه وكنت استغرب رغم انى استعمل مزيلات عرق .


2- نبضات قلب مفاجاه وتروح على طول .

3- وانا فى الحمام انهج مش قادرة اتنفس من البخار . ودى اول مرة تحصل

4- افرازات بيضاء مستمرة من يوم التبويض بس مش كتير لا زى الرطوبه .

5-مغض مستمر معايا من ايام التبويض شبيه بألم الدورة بس على خفيف بس طول اليوم

حتى انا استغربت وافتكرت عندى املاح او القاولون بس اول لم بتقرب معاد الدورة المغص بيروح
وبيخف لحد لم اختفى يوم معاد الدورة .

6- غازاااااااااااااااااااااااااااااااااااااات هههههرهيبه زى القنبله النوويه من اول التبيويض

7-ذكام صباحى غريب مع ان الجو حر ومش بيستمر كتير بمجرد متفطرى خلاص بيروح لوحده .

8- الم فى الصدر عند الضغط عليه (بس اللون هو هو مفيش اى اختلاف )

9- جالى غثيان خفيف مرة او اتنين بس قبل معاد الدورة فى الصباح

وقبل معاد الدورة ب 4 او 5 ايام كل الاعراض دى اختفت عشان كدة انا شكيت
لان المفروض الالم الدورة بتبتدى قبلها ب 4 ايام مش تختفى.

هى دى اعراضى بالتفصيل

انا بس طالبه طلب اخير لو انا دخلت البهجه والامل فى قلوبكم
ادعولى بظهر الغيب ان ربنا يحفظلى جنينى ويفرحنى بيه حتى لو فى سرك مش
مهم تكتبيها او ادعيلى وانتى بتصلى ان ميادة ربنا يحفظها والله انا مبخلتش عليكم
بأى معلومه تفرحكم بس محتاجه الدعاء جدا
وربنا هو خير الحافظين


اى سؤال انا حاضرة
ربنا يرزقكم جميعا ان شاء الله