بنات كيف ترجع المشيمة النازله!!

[كوين مون]

السلام عليكم حبيباتي

انا الحمدلله الحين بالشهر 4

بس الدكتورة قالت لي بعد السونار ان المشيمة نازله وعليها دم وقالت لازم ترتاحين

مع انه لنا كم يوم زودنها بالجماع وغير طلوعي ونزولي بالدرج

المهم كيف ترجع :/ لازم اخذ مثبت ولا ارتاح

كيف انام ع ظهري وارفع رجليني ولا كيف

بالله قولولي تجاربكم مع نزول المشيمة

ربي يحفظ جنيني ويتمم فرحتنا ع خير :)

[هدوء الشرق]

السلام عليكم
حبيبتي انا زي وضعك
قالت لي المشيمة نازله لازم ترتاحين
والآن انا بدخل الشهر السادس ولا زلت نايمه علي ظهري ولا أتحرك أبد إلا لضروره
و ابتعدي عن الجماع نهائيا وارفعي رجولك علي مخده انا أكثر من دكتوره قالت لي الكلام هذا
والله يتمم لي ولك والبنات علي خير

[om boby]

الله يكون بعونك اختي ..
مادام المشيمه نازله اتركي الدرج نهائيا ... ودائما خليك على ظهرك وارفعي رجولك فوق ...خلي تحت رجولك مركا او مخدتين فوق بعض .. والجماع من مصلحتك والجنين تتجنبوه حاليا ..

[ريعانة الحجاز]

هلا حبيبتي حتى أنا فيه نزول بالمشيمه وللان ما ارتفعت اهم حاجه اجنبي الدرج نهايئا وارتاحي ع ظهرك وارفع رجولك فوق وأخذ مثبتات واذا تقدري روحي عند اهلك وارتاحي نزول المشيمه خطير لاتتهوني فيه ماابخوفك ياقلبي ربي يحفظ البيبي من كل مكروه ونقوم بالسلامه

[حبيبه الورد]

هلا حبيبتي ربي يقومك بالسلامه

وحده من قريباتي كذا نازله عندها صارت ترفع رجولها علي مركا او ترفعها الكنبه وهي تحت تتعب من الحركه هذي بس تجلس عشر دقائق تقريبا

طبعا صارت شهر ما تطلع الا مراجعه مستشفي بسً وتنزل من الدرج حبه حبه بشويش


والحمدلله يوم دخلت الثامن بشروها انها راحت علي جنب اهم شي تبعد عن عنق الرحم

فا نتبهي ياعزيزتي من الجماع لانه ماينفع وانتي كذا .،.

وربي خير حافظ ويقومنا بالسلامه يارب

لك ودي واحترامي 🌹

[كوين مون]

الله يسعدكم وجزاكم الله خير ع تفاعلكم

باذن الكريم الرحمان الرحيم حيسير كل شي تمام

وربي حيتمم فرحتنا ع خير

:)

[أم الفهد]

ماعلى قلبك شر ياحلوه وبأذن ربي راح تولدين على خير وتضمين البيبي وأنتي طايرة من الفرحة فيه
وبالنسبة للمشيمة ونزولها أنا كانت عندي نازلة وأنا بالشهر الثالث فجأة كذا حسيت بثقل أسفل بطني ورحت للدكتورة وقالت لي عادي وراح ترتفع مع تقدم الحمل والحمدالله مع الخامس أرتفعت
وطبعا سألت الدكتورة كيف أرفعها وقالت لي مايرفعها إلا ربها وأي طريقة ماراح تجيب نتيجة أكيده بس أهم شي الراحة وعدم رفع الثقيل وقالت أنها شي مايخوف وفي أحيان مانقول للوحدة أن عندها نزول إذا كان بسيط
بس إذا كان أكثر من كذا نقول لها علشان ماتخاف لما تحس ثقل أسفل بطنها وتحسب أنه الجنين راح ينزل وخاصة إذا كانت ماشية مسافة طويلة

[جروووح الروح]

الراحه اختي ثم الراحه الوحده تتعب الين تحمل ولازم تكمل المشوار الله يتمم حملك علي خير وتولدي بالسلامه

[كنزالدنيا]

حتى انا بالخامس ونازله المشيمه

[البارقة]

ربي يتمم عليك بخير يارب
انا كانت نازله بالشهر الثالث
وقالت لي الدكتوره رفع الرجول مايفيد بأي شي ع الفاضي
بس انا كنت ارفع رجولي ع مخده عاليه شوي
فتره بسيطه وانزلها
>لاني بصراحه كنت ارتاح لما ارفعها
ووحده نصحتني بالتطويل بالسجود والله أكثر شي فادني كنت أطووول بالسجود وأدعي ربي
لين عديت الرابع أتوقع ع الخامس قالت الحمدلله ارتفعت
بس وقت السجود خلي ظهرك على جوا شوي
أنصحك تتجنبين الدرج مررره واذا بيتك فيه درج بشوي شوي
وخففي مشي وخفو الجماع
وان شاء الله تبشرينا
لاتخافين دام مافي نزيف وضعك طبيعي بعضهم كذا لما تكبر البطن ع الخامس ترتفع المشيمه ترفعها البطن الدكتوره كذا قالتلي