استفسار بخصوص المنشطات دخلو حبيباتي

[عاشقة العراق]

بسم الله الرحمن الرحيم


بنات حبيباتي اني حجيتلكم قصتي وعندي تاخر حمل 10 شهور صار
ونصحتوني اروح للدكتوره .
خليت زوجي يسوي تحليل للسائل المنوي
وطلع الحمدلله سليم
او اني رحت بايام التبويض وسويت سونار داخلي
وكالت ماعندج مشكله والبويضه حجمها 24

وطلبت مني تحليل لهرمون البروجسترون وهرمون االحليب
بس اني مكدرت اسوي التحليل يوم 23 فسويته يوم 24 لان بالصدفه رحتلها يوم 24
اعرف هوه ميصير بس كالت همين سوي حته ناخذ فكره
هرمون الحليب عادي باي يوم بس البروجسترون اله من يوم 21 لغاية 23 من الدوره

فسويته وطلعت النتيجه هرمون الحليب نسبته 29.7
وهرمون البروجسترون 3.5

وكالت انتي عندج هرمون الحليب مرتفع
وهرمون البروجسترون منخفض بسبب ارتفاع هرمون الحليب
واحتمال هوه الي ماخر الحمل
والمفروض ايصير العكس المفروض البروجسترون يرتفع والحليب ينخفض

فنطتني علاج لانخفاض هرمون الحليب نص حبه كل اسبوع
ونطتني منشط كلوميد او ويا ابرتين فوستيمون

سؤالي الكم حبيباتي اذا هرمون البروجسترون منخفض شلون البويضه واصله
حجمها لل 24 هوه هذا الهرمون مو مختص بالتبوييض
وانخفاض نسبته الهالدرجه يعني ماكو تبوييض

لو عادي حته لو هوه منخفض البويضه توصل الهالحجم ؟

زين وهرمون الحليب ارتفاعه بهاي الدرجه يسبب تاخر حمل لو اله كولش عالي
يله يأثر عالحمل ؟؟؟

زين منو منكم اخذت كلوميد وحملت بنفس الشهر او الي بعده ؟

زين عادي اني اخذ كلوميد وهي البويضه واصل حجمها لل 24 الشهر الفات ؟

لو اني لان عندي هرمون البروجسترون منخفض فلازم اخذ منشط ؟؟؟

زين وشتكولون انتو بالنسبه المثل حالتي ماعندي مشكله غير بالهرمونين هاي
ودا اخذ هسه منشط ممكن احمل بنفس الشهر ؟؟
والله خايفه من التأخير صار 10 اشهر
و الدكتوره اتكول مابيج شي
للعلم عمري 20 سنه

ردو الله يخليكم والله منتضره خبرتكم وتجاربكم لان ماعرف بهاي الاشياء
ستنصحوني انتو وشتكولون بالنسبه الحالتي