نصيحة للبنات بعد الإجهاض..شي يمكن غافلين عنو

[دانييلا]

السلام عليكم و رحمة الله و بركاته

اخواتي حبيت انبهكم بشي سار معي بعد ما أجهضت

طبعاً اجهضت بالإسبوع التاسع

السبب انو كان عندي نزيف و دكتورتي حكتلي شي عادي

و استمر اكتر من تلات اسابيع

لما رحت دكتورة تانية كتبتلي ابر مثبتة و حبوب دوفاستون

بس للأسف ما لحئت اشتريها لئني اجهضت بنفس اليوم

المهم

الشي اللي بدي انبهكم عليه انو تحللو هرمون الحليب (البرولاكتين) لئنو عارفين انو برتفع مع الحمل

و هادا اللي سار معي ارتفع هرمون الحليب مع الحمل و ضل مرتفع بعد الإجهاض ما انخفض

بعدين لما شفت انو حملي تأخر بعد اجهاضي حللت هرمون الحليب و اكتشفت انو فعلاَ مرتفع و على طول الدكتورة كتبتلي حبوب

متل ما انتو عارفين هالهرمون بأخر الحمل طبعاً

شي تاني هو السونار الداخلي .. بعرف في صبايا بعملوه و ما بأثر معاهم

بس مو كل الأجسام وحدة

انا من النوع اللي تأثرت منو لئنو بعمل تهيج بالرحم

فحاولو تجنبوه اول تلات شهور

دعواتكم صبايا الله يعطي الجميع الذرية الصالحة و يعطينا على أد نيتنا