لا تبويض على الرغم من استخدام الكلوميد

[انفاس الحنين]

السلام عليكم ورحمة الله وبركاته

مرحبا حبيباتي
انا عضوه جديده معاكم

اعرض عليكم بعض ما حدث لي

في بداية زواجي حملت واكتمل شهر ونصف وبس كنت اعاني من مغص على طول

وكنت اعتقد انه عادي من الحمل ولله الحمد فقدت الحمل بعد شهر واسبوعين

سويت سونار داخلي وبعدها نزل معاي نزيف استمر النزيف ثلاث شهور كتل كبيره

وقطع مخيفه لدرجه ما اقدر اتحرك كل ما اتحرك تنزل قطع كبيره

المهم عانيت مع الدوره حيل صارت تنزل علي بالشهر اكثر من مرتين

قبل شهرين صارت ما تنزل إلا بحبوب

وأول ما نزلت الدوره قالتلي الدكتوره معاج تكيسات وهرمون الحليب مرتفع 126

استخدمي الكلوميد والدوستنكس

خذيت كلوميد والدوستنكس هالشهر والمغص بدا معاي

من اول يوم دوره ألم مو طبيعي

واستمرت الدوره ثلاث ايام بعدها انقطعت

استمر المغص معاي اكثر من اسبوعين بعدين قل

رحت اسوي سونار يوم 12 من الدوره صادف ان عطله

واليوم الي بعده صار لي ظرف

المهم كل ما رحت ما قدر الله اسوي سونار

يوم 18 من الدوره رحت للدكتوره استفسر عن المغص

قالتلي بالسونار الداخلي ما فيه تبويض

قلت شلون ما فيه تبويض والمغص قالت مادري

ماعطتني ولا دوا قالت اذا نزلت الدوره تجيني اعطيج ابر منشطه

والحين معاي ألم بالظهر نفس الي يجيني قبل الدوره

واليوم 25 قبل الدوره

وطلعت حبوب حول السره وفي وجهي
انا دورتي مو منتظمه هل في وحده منكم صار لها مثلي