بنات انصحوني مليش غيركم

[عشمانة في ربنا]

السلام عليكم بنات
أنا عضوة قديمة في المنتدي كنت في تجمع حوامل التوائم ربنا رزقني في 27/4/2011 بتوام بنات وكرمني بعد الولادة بالحمل تاني ورزقني في 17/4/2012 بولد
مشكلتي اني بسبب الحمل والولادة طبعا بطني كبيرة ومترهلة لدرجة اللي يشوفني بيقول عني حامل برغم اني ربيت ابني من 8 شهور
وجربت الريجيم والرياضة ومفيش تحسن في بطني وشكلها بشع حتي لو وزني نزل بطني منظرها نفس ما هو المهم اليوم رحت لدكتور تجميل اخد رايه علي اساس اني اعمل تخسيس مناطق بالاجهزة بس هوة قالي ان بطني ملهاش حل غير عملية شفط وشد وفعلا شجعني اني اعملها ودفعت نصف المبلغ وعملت التحاليل وميعادي يوم 27/1 بس مجرد ما روحت البيت وانا مش مبطلة تفكير وشكوك وخايفة منها يا ريت يا بنات اللي عملها او عنده صديقة او قريبة عملتها يقولي علي النتيجة وادوني رايكم لاني بجد خايفة ومترددة برغم اني حجزت ودفعت
متبخلوش عليا يا بنات بمشاركتكم وربنا يجازيكم عني خير ان شاء الله