ما احس بحركة الجنين وهذا اول حمل نهاية الخامس

[عاشقة الرحمن]

السلام عليكم ورحمة الله وبركاته


شلونكم بنات



انا بحسبة الدورة و الموقع اني اليوم اول يوم بالسادس
لكن الدكتور قالي كل 2 من الشهر الميلادي ادخل شهر جديد
يعني بعد 4 ايام ان شاءالله ادخل السادس

لكن ما حسيت بالحركة مرات يتهيأ لي بس اقول يمكن غازات
انا سويت سونار وتطمنت على بنوتي قبل 10 ايام ولله الحمد والمنه




طمنوني الله يخليكم

[@البرنسيسه@]

لازم ياقلبي تسوين تلفزيون وتشوفين جنينك لاتصدقي الدكاتره حاولي انك كل ماتحسي بشي تروحي المستشفى لاتسكتي عن نفسك

[عاشقة الرحمن]

انا قبل اسبوع كانت مراجعتي بتاريخ 22
و الحمدلله كل شي سليم وبالسونار تتحركلكن الغريب اني ما احس !!!!

[عزف المحبة]

لا تطمني حياتي دام الدكتورة طمنتك ما عليك خلاف باذن الله
انا بنتي ما كنت احس بحركاتها الا بالكاد حتي ايام ما احس فيها الا اذا نمت على جنبي و لازم احط يدي بعد
و الحمدلله شوفي بنتي عمرها سنه و 7 شهور ربي يحفظها

[عاشقة الرحمن]

الله يخليها يارب و تفرحين فيها عروس

[نورنورنور]

يقولون البنت تتأخر في الحركه

[عاشقة الرحمن]

ممكن


اب
اب

[um_noof]

حبيبتي تطمني كنت مثلك ونفسيتي تتعب والغريب اروح كل شي سليم وكنت اوسوس اقول اكيد طفل يجي فيه شي
بس الحمدلله ولدت بنتي وصحتها عال العال الحين عمرها 8 شهور

بس تلقين حركتها ماتلامس كيس الحمل عشان كذا ماتحسين اعتمدي ع سونار والدكتوره مو على احساسك ولا حركاته
والله بنتي حركتها كانت خفيفه مرره

[عاشقة الرحمن]

ياحياتي يا امنوف ربي يخليها


وطلعت هاديه مثل ما كانت برحمج ؟

[بنت ابويه]

مدام الدكتوره طمنتك. الحمدالله.

يمكن هي تتحرك بس انتي اللي ماتحسي فيها.