الحمدلله ولدت بس سوال بخصوص الالام

[3rosajadeda]

السلام عليكم

اولا احب اهني كل اللي ولدو بالسلامه الله يحفظلكم اولادكم

انا الحمدلله ولدت بعد طلق 24 ساعه
وصار عندي نزيف وتمزق عنق الرحم
الحمدلله علا كل حال

بس كنت ابغا اسال والله يسعد اللي ترد عليا
انا والده من اسبوع تقريبا
ومرره تعبانه الم الخياطه مستحيل مااقدر اجلس ولا امشي زي الناس
طول الوقت علا نايمه علا جنبي ومسكنات
وكمان لما اروح الحمام الله يكرمكم اموت من الالم
هل طبيعي اللي بيصير لي ومتا يروح دا كلو
الله يسعدكم طمنوني لاني حتا اكل اكله وانا نايمه علا جنبي

[غلا بندر]

مبرووك وحمدلله ع سلامتك ولله ياجرك حبيبتي بخصوص الخياطه انتبهي لاتكون ملتهبه راجعي دكتورتك واذا تاكدتي احرصي ع نظافتها زين واجلسي عليها لاتخافين لانك كذا بتتعودين ع هالجلسه وطهور ان شاءلله

[مهره الدنيا]

الف الف الف
مبروووووووووووووووووووك

والحمدلله ع سلامتك

بخصوص الألم ياقلبي
انا في طفلي الأول كنت مثلك
الم ما ينطاق وراح أموت بكي منه
وكان سببه ان الدكتوره ضيقتني بقوه
عشان كذا الألم
وقعد معايا 30 يوم شهر بالظبط
وأنا أخذ إبر وحبوب مسكنه
وتعبت من مستشفى لمستشفى
وكلهم يقولوا مافي شئ
والحمدلله خف الالم وارتحت وطلعت
خياطتها مره روعه ما شاءالله

والله يخفف عليكي حبيبتي

[ام احلا حمودي]

بكريه وماعندي خبره بس حبيت ادعيلك ربي يسهل عليك وتطلعي بعد الاربعين وانتي احلا واحسن من اول كمان
وادعيلي ربي يجعل جنيني سليم معافا ويسهل عليا ولادتي

[أم ح ــنونـہ]

حبيبتي الحمد لله على سلامتك
وكله باجره يا قلبي
ومبروك ما جبتي
وبالنسبه للخياطه والله ما اعرف كان افدتك
ان شاء الله باقي البنات ما يقصروا معاكي
وربي يشفيك ويبعد عنك كل شر ♥

[لييتا]

اولاً الف الحمد لله على سلامتك وسلامة البيبي
ثانياً بالنسبه للخياطه لساتني بكريه وانا شايله هم دا الشي الله يستر
لانو شفت بنت اختي اتزوجت قبلي مشاء الله وجابت بنت والله انها لمان تتمدد على السرير ماتقدر تشيل رجلها وترفعها من الالم ونحنا كنا نساعدها وعدت والحمد لله
ثالثاً والي هو الاهم لا تنامي على جنبك اسمع انو مو زين لان الرحم لساته لين ومفتوح انتبهي اختي من دي النقطه ونامي على ضهرك واجلسي على الخياطه شوي شوي وبتتعودين ان شاء الله

وربي يقومك بالسلامه يارب دعواتك لنا

[مهرة فارسها]

الله يقومك بالسلامه ماعندي فكره
لان كل ولادتي قيصري

[~ L o l a]

الحمدللله على سلامتك ياقمر.

داخلة المنتدى بتطمن عليك مرره على بالي لان مابقى إلا انتي ما تطمنت عليها من التجمع


سلامتك حبيبتي الله يطمنك لاني ماعرف للخياطة عشاني والدة قيصري بس إن شاء الله خير

شو جبتي وكيف البيبي إن شاء الله تمام

[3rosajadeda]

لولا وام حنونه
بنات تجمعي جزاكم الله خير علا ردكم الله يبعد عنكم اي شر
جبت ولد الحمدلله علا نعمه بس الالام مابقدر اتحرك منها والحمام اموت منه يااارب خفف عليا واشفيني

مهره فارسها
شكرا علا مرورك

لييتا وام احلا حمودي
الله يرزقكم اطفال سليمين وولاده سهله ميسره ماتتعبو فيها يارب

مهره الدنيا
جزاكي الله خير علا ردك طمنتيني انو في احد زيي
الله يشفيني ويخفف عني وعن كل مسلم

غلا بندر
بكره حروح الدكتور واشوف انشالله مايتكون ملتهبه

ا

[3rosajadeda]

المشكله التانيه اني صار عندي ضعف في التحكم في المثانه ولازم اعمل قسطره لين ما اقدر اتحكم تاني

جزاكم الله خير لكل اللي ردو واي احد عنده حل لمشكله الامساك والم الاخراج والخياطه لا تبخل عليا

الله يرزقكم اطفال سليمين وولاده سهله ميسره يارب