حاجه غريبه ماشيه بالعكس سبحان الله

[الطير الحزين]

عايزه اقولكو حاجه فعلا موضوع الحمل ده موضوع نفسانى 100% بعد اراده ربنا طبعا والاخذ بالاسباب ودى تجربتى انا متجوزه من 6سنين وماحصلش حمل كان لاسباب سفر جوزى وكان بيتعالج من الدوالى وكده المهم انه حتى لما اتحسن وانا قلت اخد منشطات للتبويض وكانت البويضات كبيررررررررررره بردو ماحصلش حمل جيت من 3شهور شيلت موضوع الحمل من دماغى خاااااالص ولا خدت منشطات ولا تبعت ايام تبويضى ولا حاجه وسبحان الله فى نفس الشهر حصل حمل من غير مااحس بولا عرض من اعراض الحمل غير تغيير رائحه البول وماعرفتش بالحمل الا بغياب الدوره بس حملى ماكملش نزلته فى 9اسابيع الحمد لله على كل حال الشهر ده كنت حاسه بالاعراض كلها نوووووووم واجهاد ومراره بالفم وسخونه ورشح وزياده فى اللعاب ونغزات فى البطن وقلت اكيد انا حامل ونزلت الدوره انهارده وعيطت كتيييير وزعلت الحمد لله
معلش طولت عليكو بس حبيت افيدكو واقولكو على قد مانقدر نحاول نشيل موضوع الحمل من دماغنا ونستغفر ربنا كتيييييير وندعى ان ربنا يرزقنا بالذريه الصالحه صدقونى والله ربنا ماهيخيب ظننا بيه وهيرزقنا ان شاء الله عاجلا غير اجلا
واقولكو حاجه كمان مش شرط انك ماحسيتيش باعراض الحمل انك ماتكونيش حامل والعكس صحيح ,انسى الموضوع على قد ماتقدرى لحد مايجى يوم كده نفوجأ فيه ان الدوره غابت ويطلع حمل وانا كمان هحاول انسى مع انى عارفه انه صعب بس نخليها على الله
اسال الله العظيم رب العرش العظيم ان يرزقنى واياكم بالذريه الصالحه التى نقر بيها اعيننا يارب عاجلا غير اجلا