بنات الاحساء ادخلو بسألكم عن مستشفى الولاده

[ام رآما]

السلام عليكم
بنات بسألكم كيف اتابع حملي في مستشفى الولاده لازم اخذ تحويله من مركز الصحي ولا اروح على طول المستشفى وش اقول لهم وهل تنصحوني اتابع في المستشفى ولا المركز الصحي احسن لاني م جربتهم من قبل
وجزاكم الله خير

[ام هيثووووم]

هلا فيك
غاليتي
والله ماجربت المتابعه في الولاده ولا المركز الصحي.
بس اذا انتي موظفه انصحك تابعي في الولاده علشان الاجازات خخخخخخ
المعلمات اللي معاي يراجعون هناك بس مامره سالت اذا كويس او لا ؟لانهم لو احتجتي يعطون اجازه اسبوع واسبوعين
اتمنى اللي عندها شي تفيدك اكثر
بس ماحبيت ادخل واطلع من غير ماترد ^.^

[ام رآما]

مشكوره حبيبتي لا والله يا قلبيي انا مش موظفه
ربي يسهل عليك ان شاءالله

ان شاءالله الباقي يفيدوني

[دلع الأحساء]

انا اتابع في الولاده
وحبيبتي اول شي اخذي تحويله من المركز الصحي وهناك يسون لك مواعيد
روحي قسم العيادات الخارجية بتشوفين رسبشن عطيهم.اوراق التحويله وبيصير لك مواعيد
كل شهر مره
وبنسبة للاهتمام على حسب الدكتور انا دكاورتي كل شهر سونار
اما دكتورة اختي ماتسوي سونار الا نادر
والادوية لزم تطرينهم طراره ابي فوليك وابي حديد ويكتبون لك
وبخصوص الموعد يكتبون لك تعالي 8الصباح
بس انتي صيري ذكيه وتعالي بدري كذا لطلع زوجك للعمل خل يوصلك عشان تحجزين رقم لان طق اعصي
انا اروح سبع وماطلع الا عشر
والتحاليل على حسب الدكتور في دكاتره كل شهر تحاليل وفي دكاتره لا مايسون تحاليل
ويعتمدون على المركز الصحي انك تراجعين هنا وهناك

[دلع الأحساء]

الزبده اذا حملك مستقر ضلي راجعي في المركز الصحي احسن لك

[ام رآما]

مشكوره ي قلبيي المشكله معي فقر دم حاد
وفي حملي الاول م كنت اتابع في الولاده بس كنت اتنوم علشان اركب دم
بس كنت اتابع في عبيد والحين الظروف م تسمح لان تأمين بوبا م يشمل حمل وولاده مالت عليهم والله قهر
الله يسهل حملي ولا اتعب لن شاءالله
ومشكوره ي بعد قلبي

[ام رآما]

يعني مركز الصحي م يسون سوونار وتحاليل