تكفون رايكم ف حالتي

[دمعه انكسار]

بسم الله الرحمن الرحيم
وبعد التحيه والاحترام السلام عليكم اخواتي
بدون مقدمات راح اقول قصتي اللي سببتلي الكثير من المعاناهوالالم النفسي
انا فتاه تظلقت من حوالي ست شهور ومعي بنت والله بعد الطلاق انا انسانه ثاااااااانيه ماني مثل اول ابد
يابنات تزوجت بعد معاناه مع اخوتي يعني بعضهم ماكان موافق
لكن تزوجت وفرحت ومرت الايام ومر اسبوع وانا اشوف الاخ كلامه قليل ومايتقرب مني بس ياخذ اللي يبي وبس لكن قلت يمكن لاني استحي ومابادله مشاعر وماكل ابد فهالشي خلاه يسوي كذا يعني شلون بيكون رايق وانا ماتاقلمت معه
مر اسبوع ورجعنا من التمشيه لبيتنا واول ماوصلنا البيت تخيلو عزم اهلو وخلاني اطبخ يعني عروسه وتطبخ فقلت عادي يعني شفيها ومالقيت السالفه بال بس لما طلعت من المطبخ جلست وقال انا بتزوج قدامي انا وامه كان يمزح لانه لابس البشت وقالت امه لا مافيه الا بعد ولد ولا ولدين هالشي جرحني لان حسيت ليش امه تقول كذا اكيد قايل شي لها وسكت وهو سكت

مرت الايام وحملت وظربني كف بس انا لاشعوري دفيته برجلي وبعدها ظربني ظرب كفوف وزنطني لما فقدت نفسي وقلت ودني وماوداني وامه قلت لها وقالت خلاص اتركيه علي ولا تروحي اهلك
عديتها لكن بصراحه مايحب اكلي ابد وينتقده ويقول كلام مره يجرحني
مو فشكلي لا بس كلام مفروض مايقوله لعروسه
قلت يمكن يمزح ولا شكله دفش فالكلام
بس لاحضت بخله علي انا بالذات بشكل مو طبيعي حتا فاغراض البيت والاكل
وساعات اكون ميته جوع ومافي شي بالبيت
المهم دايم يظلع الليل كله ويرد اخر الليل ينام وانا اجلس استناه ولا جا ناااااااااااااامم
صبرت والله وتحملت واشيا كثثثثثثثثثثثثثثثثثثثثثثثثثثثثثثثثثثثثثثثثثثثثيره حصلتلي منه
الين جبت بنتي سماها هو ولا قالي شرايك انا عارضته لكن ماهمه
المهم رجعت معاه بعد نفاسي بياااااام وتخيلو تركني وراح نام لحاله
استغربت ليه طيب ؟؟؟؟؟؟؟؟؟؟؟؟؟
المهم حسيت مالي مكان بقلبه وقلت خلاص بطلب طلاقي
بس جا يوم وخذا اللي يبيه ومرت لاليام وانا مابين نارين الفراق ولا الصبر
وضربني مره ثانيه ولما نويت اروح تسامح مني
والمهم ظربني للمره الثالثه ورحت وصارت مشاكل وتم الطلاق
بس يابنات الي ماتتوقعونه اني احبببببببببببببببببببببببببببببببببببببببببببببببب ببببببه
لاتقولون مجنونه ولا خبله اي نعم احبه مدري ع وشو بس هوجبرني اتركه
حالتي مره تعبانه ومتعلقه فيه صوره معي انا وياه
بس يابناااااااااااات الحين بنتي شمصيرها هو قالي بياخذها وبيحرمني منها اعرفه زين
انا اعرف البنت لبوها بعد التمييز وهالشي ذاااااااااااااااااااااااابحني ذبح
يارب صبرني ع فراق بنتي لاراحت مني
اسفه طولت لكن ابغى رايكم وابي احطكم بالصوره

[دلع الأحساء]

الله يصبرك حبيبتي
شكل زوجك عصبي وع طول باليد
انا الحين مابي الومك ليه ماصبرتي وكلمتي اهلك واي اي احد او ليه ماسويت كذا وكذا ... لان خلاص الي فات مات وانتي الحين طليقته

اكيد زوجك ابو عيالك مهما سوا بتحبينه ساعات الحب يجي غصب عنك حتى لو كان الطرف المقابل مايستاهل الحب تحبينه غصب عنك سبحان الله شي مكتوب ومقدر

بس نصيحه مني لك لاتتعطلين ع بنتك دامك توك صغيره واخرتها لأبوها
نصيحه لا تخذين موقف من تجربه
ولجاك نصيب من رجال ثاني لا تتعطلين لان محد خسران في الاخير إلا انتي
بكرا لا بنت ولا عيال ولا رجل
لجاتك فرصه تبدئين حياه جديده ابدئي لان الفرص ماتتكرر فأغتنميها

[جريحة المحبه]

ربي يفرج همك ويفرج همومنا والمسلمين اجمعين

ربي يعوضك بالخير بس نصيحه تقربي لربك بالصلوات والقيام والاستغفار وربي بااذن الله

بيفرجها عليك وادعي دائما اللهم رده الي ردا جميلا واملاء قلبه بحبي وانتي بالسجود ادعي

الله يحسن اليك اختي

[دمعه انكسار]

مشكوره يادلع والله كلامك صحيح انا احس غطلت بطلاقي لان احبه وللحين اتابع اخباره
وبعدين بنتي بتروح مني وهالشي جابلي الهم الاكبر ساعات اقوم من النوم واطالعها وساعات
ابكي لاتذكرت بتروح مني مره حالتي ماتسر بهالسبب

[دمعه انكسار]

مشكوره ياجريحه لا متوقع يرجع لان سمعت بيتزوج
لكن الله يصبرني ويخليلي بنتي

[دلع الأحساء]

المشاركة الأصلية كتبت بواسطة دمعه انكسار

مشكوره يادلع والله كلامك صحيح انا احس غطلت بطلاقي لان احبه وللحين اتابع اخباره
وبعدين بنتي بتروح مني وهالشي جابلي الهم الاكبر ساعات اقوم من النوم واطالعها وساعات
ابكي لاتذكرت بتروح مني مره حالتي ماتسر بهالسبب

طيب انتي قلتي عيوب طليقك
قولي محاسنه خل نششوف وش عنده

وكم طلقه طلقك 3 ولا 1؟؟


سؤال صريح لو جاتك فرصه ترجعين له راح ترجعين؟.

[Almasah]

اتركيه عنك
الرجال اللي يمد يده على حرمه مامنه رجوله
وبكونه كاااااااان زوجك وصارت بينكم علاقه
وانتي انثى تعلقتي فيه

اللي اتركك اتركيه ولاتفكري فيه
وبنتك ان شاء الله تعيش بااحسن حال

وربي يعوضك خير

ولااااااتفكرين في وبالماضي
فكري بالمستقبل
واذا طرا على بالك استغفري الله وفكري بالاخره وانسي الدنيا

[دمعه انكسار]

المشاركة الأصلية كتبت بواسطة دلع الأحساء

طيب انتي قلتي عيوب طليقك
قولي محاسنه خل نششوف وش عنده

وكم طلقه طلقك 3 ولا 1؟؟


سؤال صريح لو جاتك فرصه ترجعين له راح ترجعين؟.

شوفي يادلع انا من عشت معه ماشفت له محاسن ابد يعني للا مصروف ولا كرم ولا كلام زين حتا مره اطلب شي بسيط ومايجيبه او يطلع ولا جا يقول نسيته
وادري انه كذاب
بس يختي احبه حب مااحد فالكون يتوقعه
كل شي له اتذكره سيارته عطره ساعته سبحته
يعجبني شكله
والله لويطلب رجعه ارجع لكن صعب اهلي غسلو يدهم منه
وحصلت مشاكل بينهم وكبرت السالفه يعني مستحيل يراجعني اببببببببببببببد

اعرف بتقولين شعجبك فيه لكن والله مدري اهو حب فقلبي وبس
بس الاهم لو برجع علشان البنت
حتا كلمت محامي قال مافي حضانه للام
والله من يومها وانا بوادي والعالم بوادي ونحفت مرررررررررررره ودايم افكر
وسرحانه يارب تفرجها علي لان ابوها عنيد وراح يحرمني شوفتها
ولا راح يتركها لي حتا لو ماتزوجت

[دمعه انكسار]

اي الماسه احاول انساه وانشالله ربي ييسر امري
وانا غلطي اتابع اخباره واحرق قلبي
دمتي بود

[أم الملاك]

الله يفرج عليك همومك ويكتبلك اللي فيه الخير..

البنات كفوووفو بالردود لكن بالنسبة لبنتك إذا باقي هي صغيرة أغمريها بحنانك عليها وعطفك ودايم أدعيلها أنها تبرك وماتنساك إذا أخذها أبوها ..

وإذاكبرت إن شاءالله يعني 6أو7سنوات وصارت تعرف الصح من الخطأ يمكن تقدرون توصلون لحل مناسب مع أبوها يعني أسبوع عندك وأسبوع عنده عشان ماتحسين أنك أنحرمتي منها مرررة ..