أنا بخاف

[شمس الشموسة]

كيفكم يا صبايا
أنا مدايقة كتير وحبيت اقللكم الي بقلبي أنا الحمد لله مؤمنه بالقضاء والقدر بس بخاف جدا على زوجي وبناتي
يعني زوجي يقلي خلي البنات يلعبوا عند الجيران اقول مابدي بخاف يقربوا من البلكونه وانا مو معهم
يقلي مثلا خلي البنت تروح على منتزه او رحلة مع الروضه مابقبل الا اكون معها
كل ماسمع عنحادث سير ولا حريق ببيت اضل خايفه يصير شي لبناتي
زوجي بيسافر لمدينه تانيه كل اسبوع مره ويرجع بنفس اليوم اكون طول الوقت مخنوقه وخايفه عليه لو رنيت عليه وما رد اصير ابكي .... لو سمعت عن حادث سير بالاخبار عطول قلبي يوقع واتوقع زوجي..
حتى امي تقلي روحي انتي وزوجك مشوار سافروا وخلي البنات عندي بخاف بخاف اهلي ينسوهم ويفتحوا الباب ويوصلوا الشارع بخاف عليهم ينزلوا الدرج لوحدهم لازم انا معهم بكل مكان بخاااااااااااااااف كتير علما اني بشتغل مدرسه بس بحطهم بالحضانه ومن المدرسه لباب الحضانه اي مكان اروحه لازم معاي ....تعبت كتيررررررر نفسي ما اخاف بس مو قادره تعرفوا اني بالليل ما بنام الا لما ينام زوجي وبناتي قبلي ..المعلمات بالمدرسه عندي عندهم علاقات اجتماعيه بروحوا على بعض وكدا انا من غير بناتي مابروح وهم بيكونوا اولادهم مو معهم فبخجل اروح معهم نفسي اعد انا وزوجي بمكان نسهر من غير دوشت البنات بس اول مانزل من باب البيت ارجع اخدهم من حماتي واحكيلها خلاص هخدهم معاي

بعرف ربنا الحافظ ولازم اوكل الامر لربي بس بخاااااااااااااااف
ساعدوني شو اعمل