هذا ما حدث معي اليوم من شاب بريطانى حسبي الله ونعم الوكيل

[حنين الجنة]

بسم الله الرحمن الرحيم
السلام عليكم ورحمة الله وبركاته

اخواتى بحكيلكم اللى حصل معايه اليوم والله من قهرى كل ما اتذكر اللى حصل ابكى واذا ماحكيت بنفجررررررررررر

اليوم كان زوجى رايح مظاهرة اعتراض على اللى سوته اسرائيل بقافلة الحريه وقالى تجى معي وانا رفضت خفت على بنتى حد يؤذيها
وبعدين قال خلاص ماتخرجيش لوحدك علشان محدش يضايقك لكن انا قلتله الا بخرج وكنت لازم اخرج لان حليب بنتى قرب يخلص وضروري اروح اجيب وهو زوجى مش فاضى يجيبه

سامحونى بطول من القهر وربي

المهم خدت بنتى وطلعت فى الطريق فى المول قالتلى واحده عاجزه اقلعى نقابك بلفظ انجليزى طبعا المهم ما خدت فى بالى ومشيت موطيعه راسي من الخوف الا ابكى وبعد شويه قابلتنى واحده تانيه قالتلى شيت chet h, shet يعنى زى بتلعنى المهم كمان ما خدت فى بالى لانى تعودت على سبهم ليا وانا فى الطريق قابلت زوجى فى المظاهرة وقف يحكى شويه وقالى تعالى معايه قلتله لا قالى طب هاتى جنه قلتله لاااااااا انسى
المهم هو راح يكمل فى المظاهرة وانا رحت شريت حليب لبنتى وجيت اروح وانا بعدى الاشارة قام شاب انجليزى كان مع واحده صحبته وواحد صاحبه قام تف عليا وربي يابنات تف عليا وعلى بنتى وانا من الصدمه ببص على بنتى لقيتها المسكينه وجهها كله ماى من التف ظليت امسح لبنتى وجهها وابكى بقهررررررر وكنت بدوخ وربي لكن لولا واحده انجليزيه حضتنى وقالتلى كلام يطيب خاطرى ومررتنى الطريق والله يجزاها خير ويهديها للاسلام

انا طبعا من دوختى اتصلت بزوجى قلتله تعالى خد جنه مش قادرة امشي قالى مالك قلتله واحد تف عليا زووجى جالى وقالى ايه اللى حصل حكيتله راح اتصل بالبوليس وانا ابكى اقوله لا تتصل بعدين اهل الولد يقتلو بنتى او يقتلوك بعد الشر زى ما حصل للمصرية اللى قتلوها فى المانيا وهى حامل


المهم زوجى صمم واتصل بالبوليس وجا اخدنا ورحنا قسم الشرطه لحسن الحظ الشرطيه وجدت بعض الماء على عربية بنتى من التف اللى سواه الولد اخدت العينه وقالتلى اوصافه قلتلها كل شئ وروحت البيت والشرطيه جات اخدت منى النقاب والجونتى لانى رفضت اخلعه فى القسم لانه عليه كمان تف من الولد

وبعدين روحت الشرطيه

وانا فضلت ابكى وربي مقهورة حسبي الله عليه
يا بنات انا محتارة قلت لزوجى انا بتنازل علشان محدش يؤذينا هو قالى انتى حره فى حقك لكن حق بنتى باخده وضل يحضن بجنه ويبكى

ساعدونى انا فى حيرة اللى ترد عليا تقولى اتنازل واكون شيطان اخرس ولا ما اتنازل واخاف يؤذونا مع العلم
ان زوجى قال للشرطيه احنا مش عاوزين نحبس الشاب احنا بس عاوزين نوصل الرساله حتى ماتتكرر ويصيروا المسلمين مهزله الناس

سامحونى طولت بس مفيش حد افضفض له غيركم