هل مات جنيني؟

[أم عمر_88]

ارجوكم ركزوا معي وترى مالي غيركم بعد الله
انا انتظرت هالحمل بعد وقت طويل كان كل همي ارزق بذرية صالحة وافرح زوجي واهله وافرح قلب امي المسكينة والان حملت والحمدلله لكن من يوم حملت واهل زوجي للاسف صاروا غريبين معي في التعامل تعاملهم جاف جداً وطلباتهم زادت فوق الحد
وكأنهم مايبوني احمل خاصة واني متزوجة ولدهم الصغير يعني في اخ اكبر بعده ماتزوج
وحاسه بكره شديد منهم
وامي مسكينه كله تصبرني وتدعيلي
انا راح اتم الشهر الاول بكرا 4 يونيو

لكن في بداية الحمل كان كل شي تمام
ومستانسه ونفسيتي مرتاحة
بس طلباتهم كثرت واول شي اني اعزمهم
تخيلوا العزايم كيف تسوي في الوحده وانا بروحي لا شغاله ولا هم يحزنون
ثاني يوم صحيت من النوم
مسكت بطني من الالم واصرخ كني مجنونه وابكي بدموع ومن الالم قلت خلاص مابي حمل تخيلوا ؟
من شدة الوجع والالم

واتصلت بالدكتور قالي خذي ابرة مسكنة ولو ما راح الالم تعالي طواريء للمستشفى
لانه يمكن يكون حمل خارج الرحم وحنا مو حاسين فيك

المهم ما رحت للدكتور لانه الوجع خف وما خذيت المسكن
هذا اولا وثانيا لان الدكتور في كل مرة كشف يسوي سونار مهبلي
زوجي يتضايق منه ويعصب علي وكل مرة يهاوشني اسير لدكتورة وللاسف النساء في هالمجال غبيات وبعد لانه في بنات خبروني انه السونار خطير في هالفترة

ثاني يوم والاهم
من التعب نمت ونسيت شوربه ع البوتجاز من الساعه 11 في الليل الى الساعه1
قمت من النوم مختنقة مو قادرة اتنفس
واتنفس بصعوبة
وهربت على الشباك وطلعت راسي البيت كله كان مدخن
وجلست ما يقارب ساعتين فقط محاولة جاهدة استعادة تنفسي الطبيعي

طبعا بكيت لاني بروحي وزوجي ما كان موجود
واللي زاد الطين بله انه الدخان كان يطلع من الشبابيك كلها واهل زوجي اللي تحتي
ولا جاهم خبر ولا حسوا فيني
وحسيت شكثر انا وحيدة
من الموت اللي شفته قلت الشهادة وخلاص كنت بموت

اتصلت على امي ومسكينه قامت تقولي اطلعي في البلكونات
وافتحي الشبابيك كلها عشان الريحة تطلع
وتنفسي شوي شوي

وقب كل هالمغامرات وانا لسه ما كملت شهر
حاسه باكتئاب ومو متفائله
حاسه اني بموت
او يمكن جنيني مات بسبب الاختناق

وما ودي احسس امي اني تعبانه ومكتئبه حرام مسكينه ابغاها دوم تعرف ان بنتها سعيده ومرتاحة وانا والله ما اشتكي تقصير من زوجي ولا من اهله

لكن حاسه اني حزينه وحساسه زيادة عن اللزوم ومو قادرة اتحمل
وابكي باستمرار وبحرقة
حتى احس بالم في جنبي الايمين والايسر

شو سالفة الالم
وهل الاختناق ممكن ياثر على جنيني
خايفه اسير للدكتور
يقولي الجنين ميت
خايفه اسمع هالكلمه
لاني تمنيت هالابن اكثر من اي شي ثاني

انا طفشت ارجوكم اهتموا لامري