وش علاج اكتثاب الحمل ياهل الشرقيه

[اكتئاب الحمل]

السلام عليكم

كيف حالكم جميعا
انشاءالله بصحه وعافيه


انا بستفسر
عن علاج لاكتثاب الحمل
خالتي معها اكتثاب الحمل

دايم الضغط مرتفع
وتعبانه مررره
وصارت ما تطلع من بيتها
ولدت م 4شهور وهي على هالحال طبعا من يومها حامل وهي كذا
بس زادت الحاله احين
راسها دايم يالمها بشده
معدتها
قولونها
تبكي كثير
ماتتحمل تطلع
واذا طلعت ورجعت لبيتها على طول للمستشفى
ولا نعرف وش الحل معها
اكبر اطفالها 2وشوي
واصغرهم 4شهور
فياليت اللي له خبره ينصحنا
او اذا تعرفون دكتور نفسي مجرب لهالحاله بالدمام او الخبر او الجبيل
تنصحوني فيه


وجزاكم الله خير

[سوسو الآمل]

حبيبتي الله يشفي خالتك ويقومها بالسلامة
انا جاني اكتئاب الحمل في حملي هذا ولاول مره يجيني وعندي من قبل 4 اطفال
جلست اتعذب شهر كامل لانوم ولااكل ودائما مستمره في البكاء كرهت الناس والجوال وعندي خوف وقلق المهم في الاخير راجعت طبيب نفسي عندنا في الجنوب وجزاه الله خير وصف لي دواء ومشيت ع الدواء صحيح مالاحظت فائدته الابعد 3 اسابيع لكن الحمدلله تحسنت عن اول بكثير والحمدلله انا الان في التاسع وقطعت العلاج واموري تمام الى الان والله يهون ع خالتك وربي مايحس الا اللي جرب ....... سلامتها الف سلامه

[شمايل بنت الدمام]

* ضرورة اللياقة البدنيّة للمرأة الحامل في معالجة الإكتئاب:

إن الرياضة ضرورية جداً للنساء الحوامل، والمرأة التي تتمتع باللياقة البدنية تشعر
بالراحة خلال الحمل وتخفّ عندها آلام الحمل ومتاعبه وتبعد عنها شبح الإكتئاب بنسبة كبيرة،
بالإضافة إلى أنه بإمكانها أن تسترجع لياقتها خلال مدّة قصيرة بعد الولادة.
و من أهم هذه الرياضات هي اليوغا ~~

[اكتئاب الحمل]

جزاكم الله الف خير

طيب حبيت اسالك وش اسم الحبوب اللي اخذتيها

[ام جيانا]

سلاااااااااااااامتها ماتشوف شر
شوفي حسب خبرتي الي بيساعدها
شغلتين الاولى زوجها يوقف جنبها
ويهديها والثانيه لازم تروح لطبيب
نفسي لااااااااااااازم طبعاً هذا كله بعد
ماتتوكل على ربي وتقرأ القرآن وترقي
نفسها وتحافظ ع الاذكار وتقربو منها
إذا عندها مشكله مسببه لها الحاله ذي
ساعدوها في حل مشاكلها الله يقومها
بالسلامه....... واتمنى من الاخت سوسو الامل
ترجع تقول وش اسم العلاج وكمان اسم الطبيب
والمستشفى ..

[سوسو الآمل]

السلام عليكم ......... حبيباتي انتوا طلبتوني اسم العلاج هو حبوب prozac
وكمان اعطاني معاها حبوب منومه وماتصرف من الصيدليات تعطى من عنده من العياده وكان مدة استخدامي للحبوب المنومه اسبوعين فقط على حسب وصف الدكتور لانها خطيره تسبب ادمان لكن الحمدلله الحمدلله الحمدلله رجعت انام زي اول وراح الارق وعدم النوم اللي كان فيه...
الدكتور هو الاستشاري / موسى بن أحمد آل زعله ....اقامته في الرياض وله عيادة عندنا في ابها يجيها زائر فقط في الشهر مره وعيادته في مستشفى دار الطب بابها.......
واللي اتمناه ماتاخذون العلاج الا بوصفة طبيب لان الناس يختلفون عن بعضهم ....
والله يعافي كل مريض .......

[اكتئاب الحمل]

جزاك الله خير

[دلوعه حياتوو]

الله يشفيها ان شالله وترجع صحتها
مثل قبل واحسن

[إباء الروح]

حبيبتي انا فحملي الماضي قبل مايقارب 6 سنوات جاني اكتئاب ووسواس قهري ..سبحان اللله في اول شهر حمل حتى قبل مااحلل...المهم عانيت كثير واخذت علاجات في الشهر الخامس طبعا ذقت الويل في الا ربعة ااشهر الاولى ...المهم ولدت وزدت...طبعا في البداية كنت اراجع في مستشفى الموسى ...بعد الولادة لاني تعبت من مصاريف العلاج رحت للحكومة ...ومن ولدت الى يومك وانا على العلاج و الحين توني حامل ..ومن هالليلة بوقف العلاج والله يعيني وبروح الاثنين للدكتورة...انا قبل فترة وقفته وبالتدريج كنت اول اسبوعين امشي الحال بس بعد اسبوعين جن جنوني وودي اموت اريح لي ...ادعوا لي خاايفه حيل هالفترة اذا تركت العلاج انتكس..طبعا خلوها تروح لدكتورواهم شيء انتوا وزوجها خليكم متعاونين وتراعونها بدون ماتحس انكم شفقانين عليها.

[مشاعل الدوسري]

بذكر الله تطمئن القلوب
جيبو لها شيخ يقراء عليها
لما تنام تخلي المسجل على محطة القران او
تفتح التلفزيون و تحط على محطة القران
تخليه طول الليل مفتوح
تقراء على نفسها المعوذات و الرقي يمكن عين فيها
و بنفس الوقت لازم تغير بلبيت
يعني طريقة الكنب تشتري لها أضاءه جديده تغير المزاج الاضاءه ممكن انتي تسوين لها هديه اشتري لها أضاءه أو مفرش للغرفه
مفارش الغرف تتغير تطلع يوميا تمشي لها ساعه او ساعتين و يفضل تدخل نادي
تأكل أكل صحي
تنام كويس
تصحى الصباح تتمشى
تزو اصحابها او اهلها
تفطر مع صحباتها بره
بشرط اللي يقعدووون معاها
يسلونها مو يجيبون لها سوالف تنكد و تذكرها بلاكتئاب
يعني يطلعوونها من الجو اللي هي فيه
و خليها تروح المشغل تظبط روحها كأنها
عروووس تنظيف بشره و حف جسم
منكير و بديكير
مساج و حمام مغرب و تستشور شعرها
تفلها بعدين ابو الراحه و الاسترخاء انا لما تجيني
حالة الضيقه و لما أطفش
موو دايم بس الاغلب أروح اسوي لي تنظيف بشره و مساج و استشور شعري
اروح البيت مزاجي رايق وماافكر اله بسريري
بتتغير نفسيتها زوجها لازم يتفاعل معاها يتحملها
ما يكشر بوجهه مهما كان متضايق من وضعها
مااشوف انها محتاجه دكتور كثر ماهي محتاجه تغير
و الله يسهل عليها و يبعد عنها الاكتئاب انشالله