جيت فى قسم الاجهاض بعد ماكنت فى الحوامل ...الحمد لله

[ommaysoon]

الحمد لله قدر الله وماشاء فعل
ابني اتوفى بعد ما وصل الحمل ل20 اسبوع
معرفش السبب لسه لاني لسه قايمه من الولاده من كام يوم

اتوفى ابني والسونار مابينش السبب
وفجاه حياتى اتقلبت ورحت ولدت بطلق صناعي
مابقتش عارفه مفروض اعمل ايه غير انى منتظرة نتيجه التحاليل
انا فى فترة نفاس معرفش هفضل فى النفاس ده لامتى
ولا عايزة اشوف حد ولا حد يشوفنى بكلم معارفي وصحابي فى التليفون بالعافيه
مش عايزة اشوف حد وجه لوجه ويبصولى فى عيوني
انا حاسه انى ضعيفه قوي ومش قادره اضحك وبضحك بس عشان الناس تطمن عليا

كنت عايزة افضفض واقول الكلام ده بس
مش بشكى ولا بعترض الحمد لله انا راضيه بس خايفه
خايفه افكر فى حمل تاني مع ان نفسي قوي احمل تاني بس خايفه
خايفه اتاخر فى الحمل او يحصل مشكله تاني وزعلانه من نفسي قوي زعلانه من انى بفكر ااجل الحمل لمده طويله ومش عارفه استخدم انهى وسيله

مش متقبله اى كلام من حد خالص حتى زوجي
عايزة اتكلم بس وحد يسمعنى من غير مايعلق او يعيب عليا انا او حتى يدينى نصايح
انا محتاجه حد ياخدنى فى حضنه ويطبطب عليا ويكون حاسس بيا من غير ماتكلم