السلام عليكم ورحمة الله وبركاته
اخواتي الغاليات ساطرح عليكم قصتي الحزينه والتي اصبحت اكبر همومي في الدنيا
والحمد لله صابره ومتوكله على الله انو رح يفرجها علي
انا تزوجت وعمري 16 سنه ويوم عرسي كان يوم التبويض وضليت حامل والحمد لله
وجبت ولد وبعد الولد بسنه ونص حملت وجبت بنتي بعمليه وكان عمري 19 سنه
ومن هنا بدأت معاناتي
بعد ما ولدت بنتي بثلاث شهور صابني اعراض حمل فحصت وطلعت حامل
ولسه بأولو الحمل كان وكنت في الغربه ما عندي حد ومكتشفه جديد انو عندي ديسك في فقرات الرقبه
وبالعربي كنت صغيره مابفهم وما كان حد يوعيني لاني لحالي
وخفت اخلي حملي حكولي بنات انو عمليتي بتفتح صرت اشرب قرفه وانطنط
بدل ما اتوكل على رب العالمين واحكي الله يعطيني الي فيو الخير
المهم ما نزل دلوني ناس على دكتور بنزل كنت بالرياض وممنوع الدكاتره ينزلو
رحت عندو المهم وفحصني وهون كانت الصاعقه
سألني في حد بالعيله عندو توأم حكتلي عمتي حكالي انتي حامل في توأم بس حمل ضعيف
بس ما كان في نبض ولا شي بس عرفت انهم توأم غيرت رأي انا وزوجي وتمسكنا بالحمل
واعطاني مثبتات وصرت انا وارفع رجلي وفجأه نزل علي دم فورا رحت عند الدكتور ووجهي
مو مبين من الدموع وجكتلي انو عم بنزل دم عندي فحصني وحكالي لازم اعمل عمليه تنضيفات
بس وقف الدم وبعد اسبوعين نزلت عملتها في الاردن واجهضت والحمد لله
ورجعت على السعودي وضليت لمدة 6 اشهر ينزل مني دم فكرو عندي سرطان بالحم
طلعت الدكتور وهي بتعملي العمليه جارحيتلي الرحم وضل ينزف
واعطوني دوا وصار كل شي طبيعي
وركبت لولب بعد 3 سنوات صرنا انا وزوجي حابين نخلف شلت اللولب وضليت حامل بنفس الشهر
فاتتني الدوره اسبوعين بعدين نزل مني قطعه دائريه بيضا وفي زي الحب حكولي انو الجنين
نزل وحكيت الي كاتبه ربي بصير ونزل طبيعي والشهر الي وراه حملت وجبت
بنوته الله يحميها هي واخوانها يارب وحطيت لولب ولما صار عمر بنتي سنه ونص رح شلت اللولب
وعملت حميه عشان الله يرزقني ولد لانو ابني مجنني نفسو يكون عندو اخ ورحت شلت اللولب
واستخدمت بيكربونات الصوديوم وضليت حامل بنفس الشهر ما بتتصورو اديه كنت مبسوطه من
حملي هاد كأنو اول حمل الي بس كمان ما صار نصيب ضل شهرين ونزل
نزفت كتير كتير وما كان راضي ينزل وكان مكتمل راس وايدين ورجلين شفتو على السونار
ابل ما يدخلوني غرفة العمليات وطلبت من المستشفى يعطوني اياه بعد ما عملت تنضيفات
طلعت وانا ابني في علبه تحتي وانا مبنجه كانو كل ارايبي واخواتي وامي واخواني معي طلعت من غرفة
العمليات وانا ببكي حاسه بحرقه الله لا يدوقها لحدا وابني مو على ايدي في علبه حاطينو
وصار عندي اكتئاب ودخلت بحاله لا يعلم بها الا رب العباد
ومن بعد هاي العمليه عملت تلقيح صناعي مرتين وحاولت احمل مع انو كل اموري ممتازه
بس ما صار حمل بس بشهر 12 اخدت كلوميد لاني نفسي بتوأم ورحت على الدكتوره كان مقاس البويضه مناسب واعطتني ابره تفجير ويوم 15 من الدوره فحصت وطلعت حامل ما بتتصورو
فرحتي اديه كانت واخدت مثبتات ومافي اسبوع واجتني ومو عارفه اذا حمل ولا لا من الابره التفجيره
لانها بتعطي نتيجة حمل واجهضت ب 29 12 وكل شهر عم احاول احمل ما عم يزبط
وعملت كل الفحوصات طلعت ممتازه وجوزي كمان اكيد هاي ارادة رب العالمين
بس بدي نصيحتكم شو بتنصحوني والله نفسيا تعبت ونفسي يكون عندي بيبي
و
طول نهاري استغفر ربي باليوم اقل شي الف مره وبسبح وبدعي الله يرزقني توأم اولاد وهاد الشهر
حكيت بطلع حامل واجتني الدوره مبارح انا بطلب مكنم نصائحكم او دعوه منكم
واسفه كتير طولت عليكم بس حابه افضفض وجعي الي ما في حد بعرف عنو
والسلام عليكم ورحمة الله
02-16-2012, 07:22 PM
قصتي الأليمه مع الاجهاض المتكرر 4 مرات
دودو المغربي 
جديد منتدى منتدى الولادة المبكرة والإجهاض
العرض العادي
