توأم..ومش توأم..؟!!

[كشه ناعمه]

السلام عليكم ورحمة الله وبركاته

كيفكم ياأحلى كروشاات...
اتمنى اليوم تساعدوني بمعلوماتكم وخبراتكم
انا الله يسسلمكم.. حامل الحمدلله وارجع عند دكتوره من بداية حملي.
بأول شهر رحت وكشفت بسونار عشان تشوفه
وشافته بس انصدمت قالت هاذا كيستين مو وحده هاذا توأم.!!
قلت كيف؟؟؟؟؟؟؟؟؟
قالت شوفي كيستين لاصقين ببعض
طبعا هي جاتها حاله وعلى طول... انتي كنتي تتعالجي عشان تحملي!! انتي اخذتي ادويه!! انتي سويتي شيء!! معقوله يكون تؤام!!! كم عمرك!! وتسأل..وتسأل..نفس الاسأله لحد ماطلعت وكأنها اول مره تشوف كذا؟!
وسألتني اذا كان امي عندها توأم قلت ايوه حملت بتوأم بس بالشهر السادس نزل واحد ميت والثاني لحقه بعد شهر
قالت اهاا اجل انتي وراثي
طيب بعدها بشهري الثاني الي هو الحالي..
راجعت عندها وعادت الاسأله طبعا,
وكشفت علي وشافت الثاني كأنه اصغر ومواضح بسونار عشان كان ورا الاول
قالت تعالي بكره في اخصائي بالاشعه يشوف السونار اوضح
ورحت ودخلت يشوفه بالسونار الواضح
قال: الثاني مرره صغير ومارح يتم الخلقه وعنده ضمور وماتجي له تغذيه قالي راح ينزل
رحت لدكتورتي قالت نفس الكلام الي قالك عليه.. مارح يعيش وراح ينزل
طبعا الحمدلله على كل حال..
قلت لها اليوم نزلت مني افرازات قالت ايوا ممكن الثاني
قالت شوفي زيدي على المثبت الي انتي تاخذينه وخليه 3 مرات باليوم
وأضافت لي ابره مثبت!!
قلت ايش هاذي قالت ابره تثبيت لانه مانبغى الي بينزل يأثر على الاول ويسحبو معه ؟!
انا هنا خفت وبصراحه مو عارفه انام من التفكير والتخيلات
هل راح ينزلو كلهم هل بيبقى لي واحد ااااه تعبت من التفكير والخوف
وبصراحه من الحين جالسه أهيء نفسي للأخبار السيء احس ماعندي ثقه خلاااص
عندي احساس مزعج بأني بفقد كل شيء
سؤالي هنا..
هل أبرة التثبيت مفيده؟ يعني هل هي فعلا بأذن الله مثبته؟؟
لان الافرازات صفره وثقيله نزلت مرتين بس
لاكن مجربه قبل وعارفه خطر الاشياء هاذي
والحين انا حيرااااااااااانه
تكفون الي تقرا موضوعي وماعندها خلفيه
تكفيني دعوه صادقه منها بتثبيت حملي وربي يعطيها مثل مادعت لي ويثبت حملها
أسفه طولت عليكم بس احس ماحد راح يسمع لي غيركم لانكم مثلي واحيانا تخافون زياده على الازم
لاننا بنات واحاسيسنا ومشاعرنا تغلب علينا
أتمنى تفهومني وتدعولي..