ساعدو صديقتي. عاجل الله يفرج هم كل مهموم

[ام علي *]

بسم الله الرحمن الرحيم
السلام عليكم ورحمة الله وبركاته
صديقتي مشكلتها اهل زوجها ساكنين امام شقتها
الباب اربع وعشرين ساعه يدق ويسمعو كل كلامها الي في شقتها
ولمن يجوها ضيوف الكل يجي من غير استأزان فجأه الين امها باتت عندها اتفاجأت بأم زوجها داخله على امها من غير ما تدق الباب واخوات زوجها بس يجيوا البيت يطلبو طلبات تافهه لو في اخر الليل مع التعليق على الجرس
ولمن تطبخ صديقتي ام جوزها ترسل اكل وتزعق فيها تبغي ولدي بس يحبك ويحب اكلك ما تبغي يا كل من اكلي الين خلتها تبطل تطبخ بالامر بعذر انها تبغا توفر لولدها وتشتكي بناتها انها بتتعب وبتعمل الاكل للبيت كلو
ومره سوت عشاء لزوجها في اخر الليل شمت ريحة الطبيخ ودقت الجرس وعزمة نفسها هيا وبناتها على العشاء معاهم وكمان تطالع لصديقتي بكره وغيره ومره تبينلها انها مرره تحبها هيا وبناتها وفجأة تقلب تسير وحده ثانيه ما تبغاها تروح عزايم لا اهلها ولا اهل زوجها وكرهت اهلها في مرة ولدها ودحين الكل قالب عليها اخوات زوجها وام زوجها من غير سبب ولان صديقتي امها وابوها متطلقين وامها متزوجه وابوها متزوج فأم زوجها دايما تقولها ما عندك اهل
واخر شيء ام وابو زوجها وبناتهم يبغو يسافرو ويأخذو زوجها يتفسحو
وحيسيبوها لحالها هيا واولادها

نفسيتها تعبانه وحامل وبس تبكي حياتها محطمه من جميع النواحي ما تخرج من البيت مره حتا سوبرماركت جوزها ما يوديها وكل يوم تفكر بالطلاق ارجووووكم ادعولها وساعدوها وهيا ستقرأ ردودكم