جنة آلبقيع تريد آلكل يستفيد من تجربتهآ ...

[جنة آلبقيع]

بسم الله الرحمن الرحيم...
السلام عليكمورحمة الله وبركاته ....
كيف حالكم حبايبي ...؟؟!
يارب يكوون هالشهر خير علينا وعلى الجميع ... وتبشروني بحملكم وافرح فيكم ...
حبيباتي انااا بكتب لكم الاعراض اللي حسيت فيها عشااان الكل يستفيد والصراحه انتم تستاهلووون الخيررر ...
الخطوات اللي عملتها من اول يوم لااخر دوره جاتني ...
1- عملت خلطه من دماغي طبعاً بس والله يابنات مفعووله فادني كثيررر
جنزبيل أخضر + حبة بركه (الحبه السوداء ) + ملعقة عسل كبيره ...
الطريقه : تحطين ماء مقدار كاسه او كاستين وتحطين ملعقتين جنزبيل اخضر تكونين هارسته وتحطين ملعقه حبة بركه ...تتركينها تغلي الين تحسين ان الفائده اللي في الجنزبيل والحبة البركه طلعت في الماء ....
حطيها وهي ساخنه في كوب وضعي عليها ملعقه عسل واتركيها حتى تصبح دافئه واقرائي عليها سورة الحمد وانفخي فيها ثلاث مرات وسمِ بالله واشربيها ....تستمرين عليها الين اخر يوم في الدوره (تنظفك تنظيف ماشاء الله ) ....
2-كنت احسب يوم اباضتي منالموقع هذا http://sehha.com/medical/pregnancy/conceive.htm
وطلع يوم الاباضه عندي يوم 9 لكن انا رتبتها على ان يكون الجماع في ايام زوجيه
التوضيح : كانت دورتي اول يوم لها في 25/1/1433هـــ واخر يوم لها كان في يوم 30/1/1433هــــ .... رتبت الجماع بان يكون من يوم 2/2/1433هـــــــــ ....
بس ركزت على ايام الاباضه يعني الاباضه مثل ماقولت كانت يوم 9 انا جعلت الجماع يوم 8 -10-12-14-16-18-20-22 الين هنا كان الجماع مرتب بالطريقه الزوجيه وبعدين لااا صار مخربط يعني كل يوم ....
يوم 8 عملت ليلة رومنسيه حمراء كنت مررره مبسوووطه والاهم مابينت لزوجي ان هذا اليوم يوم الاباضه ولازم نعمل شيء لااااا انا هيئة له الجو وكان مرره مبسوووط ...
يوم 9 حسيت آلم فضيع في اسفل بطني <<< كان تلقيح البويضه وانا على بالي انها اعراض الاباضه .......
حسيت بغثيان خفيف يوم 9 اللين يوم 20 ومستمر .....
وحسيت بان حرارتي جسمي كانت مرتفعه حتى زوجي لاحظ وكان يسالني هل انا مسخنه او لا ... طبعا كانت تجيني سخوونه خفيفه وتروح والم في الظهر قووووي ....وجاني أمساك ومغص قووي لدرجة اني أبكي منه ..... نزلت موضوع بينت فيه اني روحت المستشفى ووقالوا لي هذي اثار الزواج لان مالي غير شهرين متزوجه << في الاخير طلع حمل ...
طبعاً لاحظت بان ماعندي قابليه للجماع يعني ماني طايقه زوجي يقرب مني بس كنت اجبر على نفسي ....والله احنا الحريم ذنوبنا مغفوره من صبرنا هههه
دووخه خفيفه جداً اذا صحيت من النوم ونزلت من السرير بسرعه احس اني بطيح ....
وشهيه ياويلي كنت اكل أكل شخصين .... وكنت استحي من زوجي وادخل المطبخ واللتهم اللي في الصحن كله
والاهم من هذا كله جاني جفاف مو طبيعي يعني مافي افرازات حتى اثناء الجماع وبتوجع كثيييييييييييييير ...... ولازم استخدم الجل
طبعاً من البدايه وانا بروح الحمام كثير لدرجة اني طفشت مررره ....
والبول كان معاه خيوط بيضاء .... وراحته الله يكرمكم شووي قوويه وغريبه ...
وكنت اشرب ماء بكميات كبيره من الجفاف اللي احس فيه ...
-كان ينزل على المخده وانا نااايمه لعاب (الله يكرمكم ) بكمية كبيره وكاني مرهقه ..طبعاً هالشيء لاحظته تقريبا في ايام الاباضه ..
- عصبيه زيادهعن الزوم وكئيبه وغير الدموع اللي تنزل بـداعي ومن دون داعي ...
ملاحظه مهمه :الدعاء ثم الدعاء ثم الدعاء والله من ذكر الله ماينساه من نعمته
وكل يوم من يوم الاباضه اقراي جزء من القران والله ربي ينور لك دربك بنور القران الكريم
والصدقه من يوم الاباضه اللين موعد الدوره ...
وبث ياحلوووات
اذا نسيت شيء أبشرواا ارجع اكتبه لكم ... في خدمكتم
الله يوفق الجميع ويسعدكم ويفرح قلوبكم بالذريه الصالحه ...
دعواتكم لي ربي يثبت حملي ويسلمه من كل شر وبلاء ...
مع السلامه ..