قصه ولادتي بفهوودي ,,,

[بدرالبدور]

بسم الله الرحمن الرحيم
احم احم .. اليوم بقولكم قصتي بس لاحد يضحك علي
الله يسلمكن تعرفن الوحده اذا تعبت من الحمل ومالهآ خلق ثقل وتعب وشغل البيت والله يعين
يوم الاربعآء اللي فآت تاريخ 28/12/2011
جت في بالي فكره جهنميه قلت ي بنت انتي الحين لك 20 يوم بالتاسع
ومافيه ضرر ان شاءالله لو نزل البيبي
المهم فكرت بزيت الخروع اني اشربووه وبيني وبينكن
حبيت طفلي يجي بتاريخ 1/1/2012 يعنني موميز
المهم / قلت زوجي حبيبي ابي الصيدليه
ابي شغلات وداني الصيدليه شريت الزيت
رديت للبيت ونظفت الشقه وغسلت الملابس وكويتهن وحفيت جسمي وشقرت وسنفرت
واستشورت وخلصت كل شغل الشقه ماخليت شي ابد يعني مجهزه نفسي لاي حاله طآرءــه "
لمآ جت الساعه 8 العشآء توكلت ع الله وشربت الزيت ويييييييييييييييييييع قرررف
وبعد سآعه يجي مفعوله طلووق وعوار وتعب
خفت اني اموت ناديت زوجي
قلت له حبيبي بعترف لك بشي لاني شفت الموت
قلتله شربت زيت خرووع زعل مني زفني ويحقله
المهم ع الساعه 2 بالليل الالم بدت تزيد
قلت خلاص ولاده وداني المستشفى وتخيلن ماكان فاتح الا 1سآنتي
ويوم خبرت الدكتوره اني شربت خروع عصبت علي وسوت توسيع وافتحته 3 سآنتي آآآآح
قعدت بالمستشفى ع المغذي والطلووق والتعب من الفجر الجمعه لين صبح الاحد
ولحظه بلحظه يزيد العوار وكل شوي تجي الدكتوره تسوي فحص
بس والله والله ي بنات ان الولاده موب متعبه مثل مايتوقعن البنآت
انتي هونيهآ وقولي الولاده تعيشين جو عصيب من المغآمره يمر بساعات
والله ي بنات من دخلت المستشفى وانا اردد (((ربي مسني الضر وانت ارحم الراحمين)))
وسبحآن الله ربي سهل علي الطلق والولاده
وليله الاحد خذيت القراآن وقريت سوره البقره وصلت نصهآ تعبت ورقدت وزجي واهلي يتصلون هآه كيفك
وي لبى قلب زوجي ماخلاني بروحي كله معآي واعصب عليه وازفه ومع ذاك سآكت
بس شكله بيطلع كل التعب اللي تعبته من عيوني
وبصبح الاحد زاد العوار اصيح وانادي الدكتوره قاعده اقوووووول سوآ عمليه طلعووه مابيه عطوني ابره مهدءــه والدكتوره سآحبه علي ماترد
المهم افتحت مويه البيبي وانا اصيح من التعب ع الساعه 9 تقريبآ
وانا اصراخ وصجه ولجه
ويوم جت الساعه 10 ونص شفت الموت بعيوني وانا بس ادعي الله واقراء الايات
وعلى 10 ونص زاد العوار احس براس البيبي تحت
اتصلت ع زوجي قلت بموت قال انا جاي حبيبتي
لاتخآفين بكون معك قلت لاتجي مابيك واخر مره احمل
كله منك واسكر الخط طووووط> اقولكم نفسيه

قلت للممرضه شيلي التخطيط والمغذي بروح دوه الميآه
ويوم رحت احس شي نازل تحت خلاص بيطلع
بغيت اولد بدوره الميآه عشآن يكتبون ميلاد اوريعي بدوره الميآه ههههههههه
ورجعت للسرير وجتني طلقه قووليه حيييييييييييييييل كل اللي بالمستشفى اسمعوني
جت الدكتوره تصيح ع الممرضآت ولاده.... ولاده بغيت ابكي
ع س 11 الا ربع جبت ولدي فهوودي الله يخليه لي ويحميه
ولمآ سمعت صوته يصرخ كآني مامريت باي تعب الحمدلله ي ربي
جابوه لي ماقدرت اضمه بس قدرت ابكي هع
والدكتوره قاعده تخيط واقول آح .. وتقولي ارخي .. اقول اح وتقولي ارخي طلعت روحهآ بس احسن محد قآلهآ ماتخدرني امسويتلي فيهآ تخدير موضعي
المهم وهي قاعده تخيط سمعت صوت زوجي برآ يكلم الممرضه طآحت دمعتي
يقولهآ برووح اجيب امهآ وطمنوني عليهآ كيفهآ بغيت اصيح واقول انآ فيذآ حبيبي...
وعقب طلعوني للغرفه ومانمت ابد من هول مآشفت جاني زوجي وامي
قلت ي لبى قلبك ي مآمآ وشلون تتحملين هالتعب .. واشوي وتبكي
ومانمت الا س وحده من الليل وصحيت س 6 وعطوول قمت شلت عفشي وطلعت
الحمدلله ي ربي ان الولاده سهلهآ ربي ويسرهآ
والنونو وزنه 2500 / احسه مره صغيطوط
لبى قلبه والحين انا عند اهلي وحريم طالعين وحريم داخلين
وفي الختآم اتمنى لكن حبيبآتي الولاده الميسره
والله الله بالاذكآر