الحمد لله ولادت طبيعي بعد قيصري ؟!

[جوليت 98]

السلام عليكم

كيف حالكم كروشااات الله ان شاء الله يهون عليكم

المهم انا لما كنت حامل كنت ادخل المنتدى ابي احد يعطيني امل اولد طبيعي لكن للاسف اتحطم وقلت اذا الله سهل علي وولدت طبيعي راح اكتب تجربتي حتى افيدكم وان ما فيه شي صعب ولا مستحيل

انا ببكري وولدت قيصري بمستشفى خاص وبابرة ظهر والسبب اني فتحت عشرة سانتي لمده ساعتين ولا ولدت وقالوا لي لازم قيصري مع ان البيبي ما تعب بس يبون الفلوس
لما كملت بنتي 9 شهور حملت وصارحة خفت لان محد طمني كلهم يقلون بينفتح الجرح ومدري شنو وازيدكم بعد لما دخلت الثامن نقص ماي الجنين وحجمه صغير وفقر دم فقلت اروح للحكومي احسن بلا خاص بلا مظاهر محد بنافعني تابعت عندهم وقالو لي ولادتي 24 /12 /2011

المهم بتاريخ 26/12 الساعه 4 فجر جاني الم بسيط كل ربع ساعه فقلت مستحيل طلق لان الالم بسيط وبنفس اليوم الساعه عشر كان عندي موعد وقلت مب رايحه خفت يكون طلق وبهدلوني وشربت كوب مغلي الحلبة والحبة السوداء ونقعت كف مريم في ماي مغلي وغطيته ونمت صحيت ع 11 الساعه 1 الظهر صار كل عشر دقايق وقعدت امشي شوي واقري قران الساعه 3 عصر شربت نص كوب كف مريم بعد ماصفيته وسخنته صار الم كل 7 دقايق اتصلت بامي وقلتها وقعدت اجهز اغراضي وتسبحت بماي دافي وكنت احط الدش علي بطني *واحس براحه عجيبه الساعه 7 وصلت المستشفي قالو لي فاتحه 5 سانتي خفت وقلت ابي ابرة ظهر قالت طيب وصارحه ما كان الالم يذبح عادي دخلت غرفه الولاده الساعه8 وكان الوضع عادي العمليه ماحسيت فيها ابد قعدت استغفر وجاتني الدكتورة الساعه 9 وقالت مب معطتني ابرة ظهر لاني 8 سانتي وفتحت الماي وقعدت اصرخ من الخوف مابي احس بالم فقالت فيه ابرة فخذ والكمام جنبك وطنشت وراحت الله يسامح بعض الحريم يبالغون بالولادة ماحس بالم الا وقت الطلق والم ما يطول بعد المهم كل مايجيني الم اخذ الكمام وريحني وخذت ابرة فخذ والساعه عشر فتحت عشرة وولدت الحمدلله باحلي بنوته وماحسيت بالم من تحت ولا مكان العمليه وكانت ولادة سهله
واكتشفت ان ابرة الظهر ما تخلي الوحده تدفع زين والحمد لله اني ما اخذتها وما راح اخذها لان الولادة سهله ولا تصدقون كلام احد ولا تخافون توكلوا علي الله وبس

والله يرزق كل حامل بالولاده السهله ان شاء الله

ادعو لي الله يحفظ بناتي وزجي ويصلحهم اامييييين

اسفه ع الاطاله *

[نادرة الوجود]

الحمدلله على السلامه ربك كريم
انا مثل حالتك احاتي ودي اولد طبيعي ولكن راضيه بي المكتوب لي مادري وش الصالح فيه
ولكن انا بعد قيصريتين والله يسهل

[ام هشومي]

انا مثلك اول ولادة عمليه مع انه كل شي طبيعي بس اخر شي سولي عمليه والحين النا ابغي اولد طبيعي يارب بس الكمام انا جربته بس ابرة الفخذ اول مرة اسمع فيها كيف صعبه وكيف هو مفعولها

[أم الغدير]

الحمد لله على سلامتك
ومبروك ما جاك

[فليك]

ماشاءالله ، الف الحمدلله على سلامتك و سلامة بنوتتك
تفرحوا بيها يااارب ...

[احبك يا زوجي]

حمد لله على سلامتك يارب
وانا خلصت التاسع وبعدني ما والدت انتظر رحمه الله
وحدتلي الدكتوره 3_1_2012فتح بطن

[ام البراء 1432]

الحمدلله على سلامتك والله يحفظ البنوته

[نسمة دفا]

الحمدلله على سلامتك

أنا مرتين الدكتورة تقول لي ..عملية وتعطيني موعد وأشرررررررد

وأولد بعد موعدها بعشر أيام ماشاء الله وطبيعي الحمد لله

الأطباء حتى في المستشفى الحكومي ياخذوا مكافأة 1500 ريال عن كل عملية ..وفي بعض العمليات ياخذون أكثر ..كلها زيادة فوق الراتب

يعني في الخاص أو الحكومي المكسب معاهم من ورا العملية واحنا الخسرانين صحتنا

الله يخارجنا منهم ومن طمعهم

[عبير 99]

ماشاء الله عليك اسلوبك مطمئن الله يطمن قلبك يارب دنيا ةاخرة
والف الف مبرك الله يخلي لكي بناتك
وحمد الله على سلامتك

[سرووءة]

الحمدلله عسلامتك
والف مبروك
حظك حلو انك ولدتي طبيعي بعد عملية قيسري
في ناس كتير ماتقدر
بس ربنا سهلك الولادة
الف مبروك وتتربا بعزك