يالله يالنجديات والجنوبيات وبنات الشرقيه والشمال والحجاز ..نزلوا صور اكلاتكم

[حكآية عطر]

حيااااااااكم الله اقلطوا وارحبوا ...
ياهلا ومسهلا ..

هذي القهوه والتمر جميع مناطق المملكه تشترك فيها وان زادت او نقصت بعض بهارات القهوه..




على غرار موضوع اختي ميسان .. دخلت مزاجي فكرتها فقررت انزل هالموضوع واتمنى التفاعل فيه .. خاصة اني ما اعرف غير اكلاتنا وبعض اكلات الحجاز.. وحلو اني اطلع على اكلات باقي مناطق المملكه فديتها..

حياكم على سفرة القصيم..

الكبسه








كبسة ضبان <<بس مايسويها غير الرجال في كشتاتهم غالبا ..عشان حنا يالحريم مانطيقها ..


المطازيز والمرقوق


وهي ..اكله من الدقيق الاسمر البر تعجن وتكور صغار ثم تفرد باليد اوبالمفرده وتوضع مع مرقة اللحم والكوسا والباذنجان والقرع فقط مثل هذا




القرصان
وهي عجينة بر .. ترقق جدا وتوضع عالصاج ..
ولها طريقتين اما نجففه ولا نخليه رطب .. ثم يبل بالمرق مع الخضار .. ونحط عليه الحشوه فيما بعد بس لذييييييييييذ انا اموت فيه بس مايعجبني حق اي وحده تسويه ..


الجريش

المصابيب
ممكن نخليها مالحه ونضيف لها عند التقديم سمن وبصل
وممكن نخليها حاليه اما نضيف لها سكر مع العجينه او نرشها بعسل قبل التقديم


الحلويات...

الحنيني
وهو قرصان مع تمر وحليب وزبده

والحنيني يؤكل دائما في الشتاء حيث يعطي الجسم الدفء مع فؤائد التمر والخبز البر الكثيرة للجسم

قرص عقيل


الكليجا






أكلاتنا ثقيله ودسمه شوي..
.....
ياللا شاركوني يابنات ..
خلونا نسوي سفره سعوديه

[ام منصور]

ماشاء الله يعلها عامره ان شاء الله
الغاليه انتي مسويه سفره سعوديه
انزين انا اماراتيه عادي اسوي سفره اماراتيه :)

[ام احلا بنوته]

موضوع مره حلو تسلمين اختي
بس ماتلاحظين انك ماخليتي شي لي اقوله كل الاكلات حقتنا قلتيها
اشتهيت حنيني امممممممممممممممممممممممم
يسلموووووووو

[ايس كريم]

ههههههههههههههههههههه الحين اللي حوامل بالشهور الاولى زيي بيتوحمون على الاكلات اللي منزلتها
انا عني كل مرة اتوحم على المرقوق اعشششششششششششقه
على العموم فكرة اكثر من رائعة وانتي نزلتي اكلاتنا يا اهل نجد ياليت نشوف ابداع اهل الجنوب خاصة لاني سمعت ان عندهم ابداعات خطيرة
ولا يهونون اهل الشمال واهل الحجاز ولا دول الخليج

[ام رانسي]

تسلمي ياقلبي موضوعك قمه في الروعه تقبلي مروري

[حكآية عطر]

المشاركة الأصلية كتبت بواسطة ام منصور

ماشاء الله يعلها عامره ان شاء الله
الغاليه انتي مسويه سفره سعوديه
انزين انا اماراتيه عادي اسوي سفره اماراتيه :)

يسلمك ربي يالغاليه ..
وياليييييييييييييييييييت تسوين لنا سفرهـ امارتيه ..
خلينا نشوف وش اكلاتكم

[حكآية عطر]

المشاركة الأصلية كتبت بواسطة ام احلا بنوته

موضوع مره حلو تسلمين اختي
بس ماتلاحظين انك ماخليتي شي لي اقوله كل الاكلات حقتنا قلتيها
اشتهيت حنيني امممممممممممممممممممممممم
يسلموووووووو

الله يسلمك ..
بس حرااااااااااام خليت كثيرر باقي القشده
وباقي سليق
ووووباقي السليب خخخ<<أشك انك تعرفينه
والمرق
ووووو مااااااادري دوري معي ..


أما الحنين .. قبل فتره اقول لزوجي ودي يدخل الشتا بس عشان اكل حنيني خخخخخ

[حكآية عطر]

المشاركة الأصلية كتبت بواسطة ايس كريم

ههههههههههههههههههههه الحين اللي حوامل بالشهور الاولى زيي بيتوحمون على الاكلات اللي منزلتها
انا عني كل مرة اتوحم على المرقوق اعشششششششششششقه
على العموم فكرة اكثر من رائعة وانتي نزلتي اكلاتنا يا اهل نجد ياليت نشوف ابداع اهل الجنوب خاصة لاني سمعت ان عندهم ابداعات خطيرة
ولا يهونون اهل الشمال واهل الحجاز ولا دول الخليج

نورتي ايس كريم ..انتي اسمك شهاني ايس كريم اقباني خخخ
ترى حتى بالقصيم نختلف يصير فيه طبخه يسوونها ناس وناس لا ..
همتكم معي..
وننتظر اخواتنا كلهم يشاركووونا

[حكآية عطر]

المشاركة الأصلية كتبت بواسطة ام رانسي

تسلمي ياقلبي موضوعك قمه في الروعه تقبلي مروري

الله يسلمك ام رانسي ..نورتي
بس وين ماشاركتينا

[Almasah]

انا من الشرقيه ولا طبخه من اللي كتبتيها فوق أعرفها الا الكبسه
اسمع فيهم بس مااعرفهم ونشتري من ع طريق القصيم كليجا القصيم وقت الجوع تصير لذيذه


طبعاً بوريكم أكلات شرقيه بعضها
هذي الكبسه >> الأغلب من يعرف ان الغدا كبسه تتسوع كرشته بزياده هههه
^_^



^_^


^_^
طبعاً أهل الشرقيه يموتون بشيء اسمه سمك
سواء مقلوبه او كبسة والبعض يسوي صالونه
انا احب السمك مقلوبه او رز ابيض وبطاطس
كذا انا احبه مقلوبة يعني حمسه

والطبخه الثانيه البحريه برياني روبيان >>> تنسيت فيها أول ماحملت ههههه
^_^




والكثير يحبون صالونة لحم بالخضار يصبونها فوق رز أبيض
أما أنا لاااااااااااااا ماأكل مااحبها
^_^



مندي لحم أو دجاج
عادة أهل الشرقيه احنا لمن نروح المزرعه يسون لرجال مندي >>> يمي يمي


هذي اكله شعبيه عادة أمهاتنا تسويها وجداتنا هي الهريس
يركبون بالجدر دجاجه وقمح وماي تقريبا ساعه ساعتين ثلاث ساعات مدري
بعدين يخلطونها " يلتونها " ويرتبونها بصحون ويصبون فوقها زبده سايحه ويسون بالوسط حفره
للي يبي زياده زبده ذايبه
هذا هي الهريسه مستحيه شكلها ههههههههههه



أما عندنا العصيده اكله اكثر شيء يسونها بالشتا
طريقتها طحين وتمر او دبس على اللي يحبون >> انا احب الاثنين هع
وماي ويخلطونها وبعدين نفس الشيء يرتبونها بصحون وفوقها زبده
واذا حبيتي تحطين فوقها فلفل اسود

بس هاااااديه هالعصيده هههههههههخخخخخ


وبعد وبعد وش عندنا امممممم
اي
خبز المسح
ممكن تاكلينه مع صالونه او لبن




وبعد حبيبتي شو عندك امممممم
أي لقيمات
البعض يصب فوقها عسل او شيره او دبس مثلي خخخخ



تقريباً هذا اللي اعرفه انه شعبي ومتداول عندنا لليوم
وصحه وعافيه ع الجميع

اللي يبي طريقة اي طبخه تقولي وبعلمها شلون تضغط بقوقل وتطلع لها الطبخه >>> برااا
ههههههههههههه

عساكم ع الصحه والعافيه دوم