ساعدوني والله تفسيتي تعبانه

[قمر جده]

السلام عليكم ورحمة الله وبركاته اخواتي ابغاكم تسمعوووني وتساعدوني لان نفسيتي تعبانه انا حامل ومن بعد ماحملت ونفسيتي غريبه وماني داريه هل هذا طبيعي وهل الي فيني من الحمل سارت تصرفاتي غريبه سرت قحروطيه يعني جلده لاتضحكو على كلامي بس والله كل هذا سار معايا من بعد ماحملت سار تفكيري غريب اخاف على ابويا وعلى زوجي وامي لايسير فيهم شي تفكيري سيء للمستقبل واكثر شي اكرهه في نفسي اتخيل نفسي ماني طبيعيه يعني مثلا لما اكون تعبانه اقول بيني وبين نفسي لالازم ماتعب واقوم من تعبي اقوم انظف بيتي واحمل نفسي فوق طاقتي عشان اكون طبيعيه زي باقي الحريم وتفكيري للمستقبل سيء يعني مثلا اخاف ان زوجي ينفصل من العمل اقول بيني وبين نفسي كيف حعيش كيف وكيف وانا متيقنه ان الرزق بيد رب العباد بس الوسوسه ذبحتني وهل انتو كنتو زي ونتو حوامل