تجرتي الشخصيه حمل وولاده

[جيهانه]

السلام عليكم ورحمة الله وبركاته
طبعاً جيت وحبيت اكتب قصتي وتجاربي اثناء الحمل ووقت الولاده خصوصاً اني بكر
معليش اذا طولت عليكم لكن تحملوني
1-بخصوص معرفة جنس الجنين وهذا كل ام متشوقه تعرف اش راح تجيب بنت او ولد انا طبعاً السونار قالت مره ولد بعدين قالت بنت اما الجدول الصيني مااعرفله زين بخصوص تحليل الملح طلع معي ولد والخاتم والسلسله اذا جربتها انا ولد واذا صلحها احد ثاني بنت الحلم حلمت حلم وفسرته وقال راح تجيبين مولود ذكر طبعاً الحمد لله جبت بيلسان عسى ربي يحفظها ويخليها لي
2- بخصوص اللي يتخوفون من الولاده صحيح انها تعب بس مو زي ماينكتب تذكرو هالشي من بغى الدح مايقول اح وبرضوه انا هذا الشي مثابين عليه والاروع والاحلى ولله الحمد اللي هي استجابة الدعاء يارب لك الحمد يعني فضل من الله ونعمه من الله تذكري هالشي ان هناك وقت استجابه لازم تستغنمينها مو تجلسين تصيحين وماكنك سوتي شي لأن هذا ماراح يفيدك انا الحمد لله نسيت الم الولاده وركزت على هالنقطه وقت الاستجابه وسورة الزلزله صح رحت للمستشفى وخوفوني قالو وزنه كبير وعمليه بس ماطاوعتهم رحت لمستشفى ثاني والحمد لله ولدت طبيعي انصحكم بسورة الزلزله وآية الكرسي والفاتحه والمعوذات وبرضوه الدعاء الدعاء والله انها فرصه لاتفوتنها عليكم
3- الولاده الحمدلله صح الم بس مو مرررره الالم وقت الطلق يعني اذا تبين تولدين بدون تعب لا تصارخين خذي شهيق زفير وكمان عند الكشف الم بس والله قالت الممرضه لي خذي شهيق عالي وماراح تحسين وصح والله نرجع للولاده طبعاً اذا اشتد عليك الالم خذي شهيق وزفير وخليهم يعطون اوكسجين واذا اشتد الالم خليهم يزيدون في الاوكسجين عشان يخفف عليك طبعاً اذا صلحتي كذا صدقيني ماراح تتألمين بدرجه كبيره ووقت الطلق خليك كأنك تتبرزين وانتي بكرامه وبقوه صلحيها يعني خلي جهدك وطاقتك وتركيزك على تحت يعني انك تتنفسين من تحت لين تولدين لا تصارخين لا تصارخين واذا لقيتي حد يصارخ حطي في اذن طين واذن عجين والله احس انه دلع لان امهاتنا كانو بين الجبال ولا حد يدري عنهم ووحريم ذا الزمن اهل الحي يدرون انهم راح يولدون ليش ماادري وانا بكريه يعني المي اشد بس الحمد لله
4-الخياطه برضوه لا تتخوفون منها خليك مرخيه نفسك واسمعي كلام الممرضه او الدكتوره عشان تخلصك بسرعه وترتاحين وهي ترتاح وتخيطك بدون ماتوجعك يعني لا تشدين نفسك لانك راح تتألمين وتطولين وهذا ماراح ينفعك يعني تحملي اصبري حاولي لا تخافين لا تخافين

5-لا طلعتي اكيد راح تتألمين وانا اتألم لحد الآن بس الحمد لله سرت اقدر اجلس عكس امس طبعاً لا تحاولين تاخذين مر في الايام الاولى ابد ابد لانها تشد الخياطه وتفكها وتزيد الآمك انا استخدم مطهر فاجيل يخدر المكان وارتاح والله لمن اخذه يجي في كرتون ابيض ب18ريال عشر حبات وهو اكياس صغيره تحتوي على محلول وتضيفينها لماء دافي وتتشطفيبه صدقيني راح ترتاحين وتحسين بان المكان تخدر واستخدم كريم ميبو خلاصة الاعشاب وزي ماقلت الحمد سرت اقدر اجلس مو زي اول
6- الاكل خلي اكلك يحتوي على الفلفل الاسود يعني سويتي عيش حطي معه وحطي سمن وكمان عصيدة التمر مرره حلوووه وكمان بالفلفل الاسود الشوربه والمرقه وبرضه عليها فلفل اسود لا تقولين هاذي اكولات الاولين لا والله هي ترمم عظمك وتقويك يعني ملوخيه ابتعدي باميه ابتعدي ارز في الايام 10 الاولى لا تاكلين واذا اكلتي لاتكثرين عشان مايسببلك امساك ومع العمليه يالطيف ماء برضوه لاتكثرين من شربه حليب طبعاً بالزنجبيل والفلفل الاسوود ترى يهدي الالم ببطنك طبعاً انا اذا اشتد علي الم الخياطه اخذ حبه سابوفين بس اكثر حاجه حبتين في اليوم عشان الرضاعه...
وسلامتكم وآسفه ع التطويل بس لاني كنت وانا احمل بس جالسه اتصفح وافرح لما القى زي كذا بس كاان يضايقني كلمه وحده وهي(منقووووووووول)
يعني مايكون عن تجربه وهذي تجربتي الشخصيه اتمنى يفيدكم واذا فيه وحده عندها اي ملاحظه او زياده تكتب لان كلنا نستفيد من بعض