قريب أولد وماني عارفة بنت ولا ولد :(

[تحب زوجها]

سلام يا حلوات



مشكلة .... انا جهزت على أساس اني ما اعرف وش جنس جنيني
أخذت الاغراض باللون الفيروزي الناعم ... مع الأبيض
مع انه كان نفسي أعرف شنو فيني عشان آخذ بنفسجي لو بنت أو رصاصي لو ولد ... لأني أحب هاللونين ...


في نص الشهر الرابع كان عندي موعد ... قالت لي الدكتورة مو بااين لأن الجنين نايم ... و مو راضي يتحرك بعد .... بس 90% بنت لأن صاك رجوله و كل البنات يصكون رجولهم !!
مادرى من وين جابت المعلومة ... بس فرحت عشانها بنوووتة حلوة

بالشهر السادس رحت لعيادة خاصة عند دكتورة اسمها منى الشرقي .... مدحوها لي والكل يعترف فيها ... لمن تطمنت على البيبي من الحجم و كل شي ... قالت لي شنو تتوقعين قلت لها بنووتة .... قالت انتي تبين بنت حلوة بس الواضح اهنى انه ولد ... و أشرت لي بالسونار على أعضاءه الذكرية و كانت واضحة جداً حتى ان زوجي ضحك لأنه كان واضح بالضبط مثل العضو بس صغير

بالشهر السابع رحت عيادة خاصة ثانية ... و سويت من جد و جديد ... و أول ما كملت فحص قالت لي شوفي ... و كانت الأعضاء الذكرية كذلك وكانت أكبر من المرة الأولى.... و قالت لي ولد

طبعاً انا بكرية الحمدلله .... و زوجي مو فاااارقة معاه أبداً ... بالعكس ... أول ما حملت كانت التوقعات كلها من أهلي و أهل زوجي انها بنت مادري لييش .... و كان فرحاااان موووت لا و اتفقنا على اسمها من البداية بعد



طيب ... وين المشكلة
صديقاتي يقولون ان الجدول الصيني ما أخطأ معاهم بالمررررة ... و انه طالع لي فيه بنت
وأمي تقول أن خاصرتي منتفخة معناها بنت ... بينما أم زوجي تقول خاصرتي منتفخة معناها ولد
و اخت زوجي ... لما كانت حامل بالجدول الصيني قال لها بنت و جهزت وردي كل شي وحتى السونار قال لها بنت إلى لحظة ما ولدت جابت ولد ... وراحوا اشتروا لها اغراض جديدة للبيبي ..... يعنى قالت لي الجدول في نسبة خطأ 10%



بهالسبب .... انا الان بالشهر الثامن أول أسبوع ... و بحساب المستشفى لي 32 أسبوع
ولحد الآن ماني عارفة ... هو ولد ... و لا هي بنت

[إحســـآس]

والله ماعندي خلفيه حبيبتي

أنا بكريه وقالوا لي ولد بالسادس وكمان عملت السونار ببداية السابع وقالت لي ولد

وأن شـاءالله ربي يرزقني بالولد

ويرزقك باللي تتمنينه يارب

[ام نايف الغالي]

حبيبتي بنت ولا ولد اهم شي بصحته وعافيته وانتي بكر يعني مو فارقه معاكم باذن الله
ودام انتي شفتي الاعضاء الذكريه وواضحه يعني ولد باذن الله انا من الشهر الثالث بلغتني الدكتوره انه ولد والحمدلله على كل حال
ومومهم تعرفين اذا تبين نصيحتي خليها مفاجا فعلا لكم ووالمفاجاة احلى من لو كنتي عارفه نوع الجنين شنو
وعالتجهيز جهزي بلون محايد مثلا اوف وايت اصفر ابيض قليل والباقي بعد الولاده بعد ماتعرفين نوع الجنين

والله يقومج بالسلامه ويرزقج بالذريه الصالحه ان شاءالله

والجدول الصيني مو لازم يضبط لان ربج اللي يرزق مو الجدول الصيني

[تحب زوجها]

اهلين احساس

امين يارب ... الله يعطيني و يعطيج
مو فارقة عندى بنت ولا ولد ... اهم شي اولد بالسلاامة
اذا حملت مرة ثانية يمكن افكر هههههه




اختي ام نايف
والله انا مانى مهتمة وايد .. لكن تعرفين الفضول والحيرة خصوصا للبكر
وانا ما قلت الجدول الصيني صحيح بس انه وايد يكون صح ... غير ان امي تقول شي وام زوجي تقول شي
بعدين انا من زمان جهزت و كتبت في الموضوع .... يعنى خلاص
والي يجي من الله يا محلاااه

[ام خلودي ^-^]

الله يرزقك باللي تتمني وتفرحين فيه او فيها ويوفقكم ويسعدكم
الله يقومك بالسلامه

[ام نايف الغالي]

ربي يوفقج ويرزقج بالذريه الصالحه الباره فيج وفي والدهم يارب وتكون صحتهم باحسن حال


واسمحيلي يمكن ردي ضايقج

[عليا لولو]

حبيبتي الله يتمملك على خير يااارب ا
بس غالبا لو قالو لود وشافوا العضو يصير ولد اعتقد انا بكرية كمان ولسه ماعععىرفت
الله يسهل ولادتنا ياارب

[أم ريـم]

اتوقع ولد لانه دكتورتين اكدوا لش وانتي شفتي بنفسش عضوه حتى انا زيش رحت لدكتورتين وقالوا لي نفس ا لكلام وزوجي كان معاي وشاف العضو

[دنيتي بعيونة]

خيتووه اتركي عنك الخرابيط والجدوول الصيني..
لان انتي رحتي مرتين وشفتي بنفسسك عضو ذكري .. توكلي على الله
الله يرزقك بالي تتمنيه ياارب..
اني الكل يقول فيني بنت ... << بس بالسونار اكثر من مره اكدو لي ولد وجهزت
الله يجيبه بالسسلامه دعواتك لي بالسهاله انا بالشهر التاسع الحين..

[نعووووومة]

الحمد لله على كل شيء