في الشهر التاسع وفجاة احس بحكة

[أنثى بعطر الطفولة]

السلام عليكم

اخباركم

اخواتي انا عندي ثلاث اطفال وحامل بالشهر التاسع هالفترة اعاني من كثرة الافرازات المهبليه

ولونها ابيض احيان يميل للاصفرار وبين فترة تنزل قطعه غليضة مايله للاخضر سالت وقالوا هذا لانك بالتاسع فطبيعي ينزل

ومن اربع ايام فجاة جاتني حكة في المهبل داخل

وجلست يومين وماارتاح الا لمن اغسل بالماي

وراح عني يوم ورجعت الحكة من امس طفشت قلت لازم اعرف شنو فيني

المهم جبت مرايا ولمبه <<لاحد يضحك من القهر

وكشفت ع نفسي وشفت وانتم بكرامه افرازات متجمعه لونها ابيض كثيف شوي

واخذت كلينكس فيه ماي ومسحته وارتحت

وبس ينزل هالافراز تشتغل الحكة عندي تقطعني اكره عمري لدرجه وصلت الحكة عند الشفرتين والبظر

مدري وش السالفه علما الافراز مافيه ريحه ولونه ابيض ع اصفرار خفيف وكثيف شوي

مدري هل حموضته قويه ومهبلي حساس والا شنو السالفه

انا مستبعده يكون التهاب

انا من امسح الافراز تروح الحكة

والمستشفى بيقولون روحي مركز صحي لاني انا اصلا مااتابع حمل بس اروح اسوي سونار واطمن واخذ حبوب عن طريق قسم الطوارئ

والسبب زوجي ودوامه ماقدر اتابع


ولو رحت المستشفى بياخذون مني مسحه وبيقولون بعد اسبوع النتية وش يصبرني

الحكة ذبحتني بموت

تتوقعون هذي الحكة لقرب الولادة والا التهاب والا نسبة حموضه بافرازاتي عاليه

انا مابي اجلس امسح فيه مابي اضر نفسي

وجزاكم الله خيرا

[نوتيلا]

الله يشفيك حبيبتي بس الظاهر انو بدايه التهاب لان بحملي قبل جاني نفسك وانا بالتاسع ورحت لدكتوره وعطتني مضاد والحمدلله طبت لان الحين رحمك حساس واي شي يضره حاولي انك ماترطبين خليك ناشفه وروحي لدكتوره لاتهملين نفسك موزين تولدين وانتي معك التهاب وحكه خطر عالبيبي وطمنيني عليك

[نوتيلا]

نسيت اقولك اعراضك تشبه اعراضي قبل ودكتورتي قالت لي فطر المونيليا يجي بعض الحوامل عاد انتي روحي وشوفي شنو تقولك وانتبهي تري يعدي الزوج لازم ياخذ علاج معك ولا ماراح تتطيبين وان شالله مافيك الا العافيه واكون غلطانه مب مونيليا مابي اخوفك بس تكفين لاتهملين روحك علشان النونو ربي يهونها عليك وتقومين بالسلامه

[تيتاني]

حبيبتي لا زم تروحي الدكتوره عشان تعطيكي مرهم للحكه وتحاميل للتهابات