طمنوني الله يطمنكم بخصوص أفرازات كثيره

[خجل وردة]

السلام عليكم ورحمة الله وبركاته

كيفكم حوامل ان شاءالله بخير

انا بكرية بالشهر الخامس وتنزل مني افرازات كثيره
مثل الجبن بس مافي حكه الا قليله جدا وينزل علي
ماي قليل مو كثير واحيانا ينزل مع البول دم وانا خايفة
كثير من هالاشياء اشرايكم اروح لدكتورة اطمن ولا لا
طمنوني الله يعطيكم اللي تتمنونه

[..ام بدر..]

اذا الدم مع البول وفيه حرقاان
هذا معناها يا عندك صديد في البول او حجر نازل عليك

والافرازات عاديه اذا روحتي المراجعه بتكتب لك الدكتوره تحاميل تخففها والمويه الي تنزل تنزل مع الافرازات يعني ان شاءالله مو من الجنين

بس لاتهملين الدم الي ينزل من البول لانه لو كان املاح او صديد او اي شي بالكلى هذا يسبب ولاده مبكره ويضرك انتي والجنين فلو تروحي لدكتوره يكون احسن

[" قلب غيث "]

انا من رايي تروحي للدكتور بأقرب فرصه وأبدا لا تهملي نفسك
انا ما ابي اخوفك بس روحي افضل ..
وانشالله ما فيك الا كل خير '"

[حلاااااا]

لا تتأخرين روحي الدكتوره على طول دام فيه دم حتى لو كان مع البول
لو افرازات بس عادي الشهر هذا واستخدمي بيتادين ممتاز مره في الاسبوع

[كليجه]

الإفرازات ممكن تكون التهابات وعلاجها مره بسيط حتى لو كنتي حامل
وبالنسبه للبول احتمال عندك صديد
والمفروض ما تتأخري وتروحي للدكتوره

[خجل وردة]

ان شاءالله باقرب فرصة بروح للدكتورة
ويعطيكم ربي الف الف عافيه وماقصرتوا
ويرزقكم ربي بالذرية الصالحة

[Ghaawe]

اعراض الالتهابات اختي
روحي حللي بول عند دكتورتك

والله يشفيك ويقومك بالسلامة انت والبوبو