عطوني حلول اتعامل فيهآ مع زوجي ...

[مملوحة الوصآيف]

السلام عليكم

كيفكم عساكم بخير حبوبات

صراحه انا كنت متردده اني اكتب سوء تفاهمي مع زوجي في عدة امور لاني مو عارفه اتعامل معهابس وربي انا تعبت وابغى بس مشورتكم ومساعدتكم لي

انا متزوجه وهذي السنه الثانيه ولله الحمد وربي رزقني بااحلى بنوته في العالم ربي يخليهآ لي شمعة حياتي هي الحمدلله زوجي يحبني وحارب الكل عشان ياخذني لاني كنت متزوجه قبل وانا صغيره بس ماصار نصيب وربي عوضني بزوجي وبنتي ربي يخليهم نسوني الماضي واوجاعه,,,

صراحه بداية مشاكلي مع زوجي بمعنى اصح سوء التفاهم مشكلة طلوعه من البيت ومايجي الا نص الليل ويوم يجي يبغاني استقبله بكل انشراح ياسلام انا ملطوعه طول اليوم اهتم في البيت وفي بنتي وانت حضرتك رامني طول اليوم من يوم ماتصحى لحد موعد نومك تجي وقت راحتي ونومي وتبغاني ابسط معاك انت ووجهك.. لاتقولوون حاولي معاه بلين وكلهم كذا ليش فيه حريم ازواجهم كانو دشر وبعدين يوم رزقو باطفال هجدو ليش هو مايكون زيهم جيته بلين وجيته بالزعل مافاد يوعدني ومايوفي بوعده وكانك يابو زيد ماغزيت نرجع لنفس المشكله
انا مشكلتي اني من النوع اللي مايطلع من البيت يعني زياراتي محدوده صحباتي قلال لاني اخاف من كثر الصحبه صحباتي تعرفتهمعليهم في الجامعه وتفرقنآ بعد التخرج يعني مالي غير بيتي وزوجي وبيت اهلي يعني طول الوقت طفشانه وتعبت من الوحده وربي .. ومشكلتي الثانيه مزحه الثقيل يووووه يابنآآآت وانتو تعرفو عاد مزح الرجال بس يضربك بالمزح شوفي اثر الضربه فيك تعبت وانا افهمه اقوله لا تسويهآ معي وربي بعض الاحيان ابكي من مزحه يلعب فيني كني بزر ينطنط فيني ويدف ويدور فيني وربي شي يضايق وربي يوم احكي لصحباتي تضحك وتقولي ماعندك سالفه ياختي اقولهآ يعور وبعد النفااس احس جسمي مكسر ظهري وربي احسه مقسووم نصين من هالمزح البايخ والثقيل وهذي خلصنآ منهآ

وثالث مشكله انا امي تعبانه الله يشفيهآ ان شاءالله حياتي هي عندهآ الكلي وهالايام شغالتهآ سافرت وانا الحين مابين بيتي وعندهآ المهم تبعآ كله فدآ راسهآ مايهم بس اخوي الله يهديه كل بعد يومين ناطلي بسفره مع الشباب ومدري وشو يعني كله كلام فاضي وامي لحالهآ وانا اضطر انام عندهآ تبعآ ابو الشباب مقهور من اخوي يقول عادي نامي عندهآ بس مو بعد كل يوم تنامين انا زوجك ولي حقوق >>سبحان الله ودارت الايام وحسيت يوم اكون ملطوعه لحالي صراحه انا ماابغى يكون عندي اي زله عشان مايمسكهآ علي ومايصدق ع الله الحين انا عند امي بنآآم اليوم وحضرته زعلان وكلهآ جمعهآ اليوم يبغى زعل من تحت الارض وانا بطنش كالعاده عشان اعيش صح لازم يكون بين المتزوجين زعل بس كثرتهآ تخلي فجوة بينهم وانا ماابغى الامور توصل لهدرجه....اعطوني حلول عشان اعرف اتعامل مع مشاكلي بعقلانيه ...

طولتهآ معاكم سوري بس مالي غيركم بعد ربي سبحانه,,,