نصيحتكم في حبوب هرمون الحليب وحبوب تنزيل الدوره

[mom for ever]

السلام عليكم ورحمة الله وبركاته 👋

عندي هرمون الحليب مرتفع مما سبب عدم نزول الدوره لمدة اسبوع تقريبا
وصفت لي الدكتوره حبوب بريموليوت ان عشان تنزل الدوره لمدة خمس ايام ثلاث مرات باليوم
وحبوب دوستينكس Dostinex لعلاج هرمون الحليب المرتفع

ووصفت لي حبوب زهرة الربيع مرتين باليوم عشان تحافظ على الهرمونات متوازنه لمدة ثلاث شهور
ووصفت لي منظم للسكر بعد الغداء مع انو ماعندي سكر بس قال لازم

سؤالي حبيباتي اخذ حبوب تنزيل الدورة وبعدين اخذ حبوب الحليب والا اخذهم مع بعض انا نسيت اسال الدكتوره عن هالنقطه


ياليت اللمجربات يردون علي انا عندي بنت الله يخليها لي لها 11شهر ووالده قيصري

يعطيكم العافيه اتمنى ماتهملون موضوعي

[أحمد حبيبي]

حياج الله عزيزتي

ان شاء الله اللي عندهم نفس حالتج يفيدونج

الله يسهل امرج ويسبب لج كل الاسباب للحمل السليم عاجلا غير آجلا ياااارب

[mom for ever]

المشاركة الأصلية كتبت بواسطة أحمد حبيبي

حياج الله عزيزتي

ان شاء الله اللي عندهم نفس حالتج يفيدونج

الله يسهل امرج ويسبب لج كل الاسباب للحمل السليم عاجلا غير آجلا ياااارب

جزاك الله الف خير يارب


بس انا ماابغى احمل حاليا بس ابي الدوره تجي متعبتني حيييييييييييييييل

[حلم-الامومة]

ما عندي فكرة حبيبتي .... بس اتوقع انج ترضعين بنتج صح؟؟ واللي اعرفه انه تجي فترات الدورة تضطرب مع الرضاعة ...وهرمون الحليب مرتفع لانج ترضعين
(اذا انا غلطانة اتمنى حد يعدل لي معلوماتي)

ان شاء الله ذوات الخبرة يفيدونج

الله يحفظج ويحفظ لج بنتج

[إنكسار]

نصيحتي لك تستخيرين
لأن حبوب هرمون الحليب قد تتعودين عليها
وبالنسبه للدوره إذا متأخره أسبوع اصبري عليها تنزل طبيعي
ممكن تجربين البردقوش , مشروب القرفه الساخن وبإذن الله تنزل
لكن بسألك مااستفسرتي منها عن وصفها لمنظم السكر؟لأنه عاده يعطى للي عندها ارتفاع في هرمون lh اللي هو التكيس
وعاده مايرافقه زياده في هرمون الحليب
والله يسهل أمرك ويخلي لك ماعطاك

[mom for ever]

🙋 هلا بكم
لا انا ماارضع بنتي

بالنسبه لحبوب السكر ماادري ليش وصفتها بس قالت انو المبايض ضعيف بس الحمد لله مافيه تكييس


انا سؤالي اكل الحبوب سوا والا انتظر الخمس ايام تمر واكل باقي الحبوب



وكيف طريقتها لانها قالت نص حبه كل ثلاث ايام بس مافهمتها العلبه حبتين فيها

[Hana-117]

كيفك حبيبتي
حبوب هرمون الحليب انا جربتها على ما اذكر اسمها دونتانكس
فعلا هي تؤخذ نص حبه كل ثلاثة ايام اي حبه واحده في الاسبوع
كنت اخذها يوم الاثنين والخميس بعد الغدا
لازم تلتزمي بمواعيدها حطي تذكير في الجوال عشان لاتنسيها
هذا بالنسبه لطريقة استخدامها ومواعيدها
اما عن استخدامها مع حبوب تنزيل الدوره ماعندي فكره حبيبتي سامحيني
ونصيحه ارجعي للدكتوره واسأليها عشان تستفيدي من العلاج وماتسبب لك الادويه لخبطه في جسمك