الحمل في عمر الثلاثين

[ورده ورديه]

السلام عليكم ورحمة الله وبركاته

أنا مادري وين احط الموضوع فيه بس قلت يمكن هذا هو المكان المناسب اكثر

أنا متزوجه وعمري 30 وزياده والحين عمري 32 وبدخل 33 قريب

ابي احد يجاوبي

انا لسى ماحملت وخايفه يقولون الحمل بهالعمر صعب ، هل هذا الكلام صحيح ؟


وشكرا مقدما

[السيدة الصغيرة]

حبيبتي اخت زوجي تزوجت وعمرها 30 ماشاء الله حملت وعندها ولدين تزوجت بعدي بيوم وانا عمري يوم تزوجت 23 والحين 24 وماحملت....الله يرزقني ويرزقك..

[وردة القدس]

مو شرط حبيبتي العمر
بس انا اللي اعرفه انه يفضل الانجاب قبل 35 لسلامة الام والجنين
الله يرزقك ويرزقنا انشالله

[ورده ورديه]

مشكورات حبيباتي

واللي عنده اجابه في الاستزاده افاده

والله يرزقنا جميع واخواتنا المسلمات اجمعين يارب العالمين

[رويده]

حبيبتي لا تقلقي ( انما امره اذا اراد شيئا ان يقول له كن فيكون )

[محبة الجنان]

الله يرزقك يارب بالذرية الصالحة
ياقلبي موب شرط
أعرف وحدة قريبة لي ماتزوجت لما صار عمرها فوق الأربعين
وربي اكرمها ومعاها ولد وبنت هالحين
الله يحفظهم لها
وحماتي ماتزوجت إلا وعمرها 33 وماشاء الله حملت من ثاني شهر زواج
وحدة أعرفها بعد ماتزوجت إلا وهي فوق 35 وحملت ما شاء الله بأول شهر من زواجها
موب شرط
أهم شيء راجعي دكتورة شاطرة وشوفي السبب في التأخر بالحمل لأن لك سنتين
متزوجة على كلامك
ولاتنسين الدعاء فالله قادر على كل شيء

[حبيبي وبس]

لا مو صحيح بنت خالي عمرها يوم تتزوج 32 وماشاءالله جابت 5 وراء بعض

[ورده ورديه]

أشكركم حبيباتي ع اهتمامكم ريحتوني الله يريحكم ونول كل وحده اللي ببالها يارب

يارب ترزقني وترزق كل محرومه ياااااااااااااااارب

بس ابي دكتوره شاطره بالرياض اللي تعرف تقول لي لانو انا جديده بالرياض تو سكنت فيها

انتظر ردودكم

[ابتسامتي سر سعادتي]

حبيبتي ريحي نفسيتك وعادي عمتي ولدت وهي 50 طالما في عندك دورة وزوجك عندك بير حمل
وتذكري لن يكون في ملكوت الله الا ما اراده الله وكل شيء بأمره سبحانه وتعالى

[,, ام العيال ,,]

حبيبتي انتي لسه في عز شبابك ليييش التحطم هذا وكأنك مقبله على الخمسين

والله العظيم بنت عمتي تزوجت وعمرها فوق الثلاثين يمكن 33 وعلى طول حملت والحين حامل في الثاني

وعندنا حرمه عندها اولاد كثير وبعد ماصار عمرها 40جابت تؤأم من غير تنشيط ولاشي كذا من الله

والحين حامل مره ثانيه وعمرها فوق 45 وكثيييير حريم اعرفه يحملووون فوق الاربعين

وان شاء الله تحمليين وتجيبي احلى توأم ياااارب