بناااااات ساعدوووني ولدي مريييييض

[فراولة توتي]

السلام عليكم ورحمة الله وبركاته
بنات تكفون انا الحين بقولكم سالفة ولدي واذا أي وحده صار ولدها زي اللي صار مع ولدي تخبرني وتكفووون ساعدوني
أنا ولدي الحين عمره 3 سنوات ونص تعب علينا أمس ارتفعت حرارته فجأه وصارت 40 وراحت أمي وزوجي وأخذوه للمستشفى لأني أنا توني والده وتعبانه شوي وما رجعوا إلا مع صلاة الفجر قال لي زوجي المستشفى عطوه ابرتين ابرة خافض حرارة وابرة فيتامينات والدكتور كتب له على تحاميل وشراب بس زوجي قال أنه كان خايف من الأبر في المستشفى بس ما قدر يتحرك من التعب,وهو الحين حرارته انخفضت عن ال 40 بس ترتفع شوي وتنخفض شوي والدكتور قال لازم كل 12 ساعه نعطيه تحميلة بس وربي ما قدرت عليه يعني ابيه اعطيه يقعد يصيح وما يخيلي اعطيه التحميله ويركض بعيد عني ونجيه نحاول نمسكه بس يصير معاه شي مو طبيعي كل أطرافه تتشنج ويصارخ بنفس الوقتومدري وش اسوي فيه وماني عارفه ارجعه للدكتوره مره ثانيه ولا لا,والشراب يشربه عادي من غير ما يصيح أو يتنرفز بس التحميله يرفض بنات تكفون قولوا لي وش اسوي فيه وأمي وخواتي محتارين مثلي وقلت لزوجي ارجع للدكتور خل يغير التحاميل اذا كان فيه منها شراب أو حبوب قال زوجي قلت له قال عمر ولدك لازم تحاميل انا مره تعبت معاه وكلنا تعبنا بنات تكفووون عطوني حل

[فراولة توتي]

بنات شدعوه ما رديتوا علي يعني أنا لو مو مبتلشه مع ولدي مسكين كان ما كتبت الموضوع يعني رد على الأقل قولوا فيه رايكم

[demoshka]

سلامتو حبيبتي

ممكن تسقي الشراب وبعد بساعة حاولي انه ينام بدون ملابس يعني بس بالداخلي بس يغفل حطي التحميلة بسرعة

ولازم تراقبي حرارته كل ساعة وتعطي سوائل كتير وحطي عليه فوطة نظيفة مبللة بالماء العادي يعني موبارد من الثلاجة حطي على رجليه وراسوو

وان شاء الله بخف

وطمنينا عنو حبيبتي

[●|ڄ۫۫ۅريےّْْْ|●]

حبيبتي انتي

سشوفي اي حل عشان تعطينه التحمممميله مايصير تخلينه كذا

و الشراب مو مثل التحمممميله
ربي يعافيه و يشفيه

ولو تقدرين احتديتي وديه يعطونه ابره

[فراولة توتي]

مشكورين حبيباتي وما قصرتوا والله وبحاول معاه باللي قلتوا لي عليه
وأنا لو بآخذه للمستشفى بيعطونه ابره بينجن من الخوف ما تتخيلون ولدي وش كثر خواف وما يحب الدكاتره والمستشفيات والممرضات أي شي له علاقه بالمستشفى يكرهه من قلب
بس أشكركم من كل قلبي شكرا حبيباتي

[برتقالة]

سلامة قلبه وما يشوف شر يا قلبي
أنا ولدي مثل ولدك من يشوف التحميله ولا الإبرة يطق فيه عرق ويقعد يراكض ويصيح ويختنق وحالته حاله وتعبت معاه كثر يعني انا وأبوه وامي وخالتي وخواتي وعماته كلنا حاولنا معاه بس ما قدرنا عليه,لكن جيت مره وقعدت معاه وفهمته انه لازم ياخذ التحميله عشان تتحسن حالته ويطيب وفهمته انه ماراح يطلع من البيت وماراح يروح لأسواق ومطاعم وأماكن للوناسه وتعبت معاه أول مره وثاني وثالث ورابع مره لكن بعدين خلاص خضع للأمر الواقع أنتي اذا بغيتي تعطين ولدك التحميله اقعدي وفهميه وبدي شوي شوي مدديه ونوميه على بطنه أو على جنيه وعطيه التحميله واذا ماقدرتي ورفض مالك حل إلا تمسكونه وتعطونه التحميله بالغصب حتى لو صاح وصارخ وتشنجت أطرافه عطيه التحميله من أول ما تخلصين راح يوقف صياح وصراخ صدقيني أنا ولدي نفس ولدك بالضبط واستخدمت معاه هذا الأسلوب أول مره اختنق وصاح وثاني مره وثالث مره بعدين خلاص استسلم والله يعينك حبيبتي تحياتي لك

[برتقالة]

اي صح حبيبتي نسيت انتي يمكن ولدك يكره التحميله لأنك ما تدهنيها بزيت أو كريم أو فازلين فتزعجه اذا بغيتي تدخلينها فيه انتي ادهني راس التحميله بزيت عشان تدخل بسرعه وما يحس فيها انشالله والله يكون في عونك

[lona]

الله يشافيه ويعافيه ما يشوف شر حبيبتي ويعينكم عليه
معليش تحملي بعض الأطفال يصيرون كذا عنيدين الله يهديهم مثل أخوي
لكن في وضعيه حلوه عشان تعطينه التحميله حنا نستخدمها مع أخوي
انتي اقعدي على كرسي أو أي أحد غيرك أمك أو اختك مثلا وخلي ولدك ينسدح على بطنه على رجولك في حضنك يعني وخلي احد يساعدك عليه يعني احد يمسك رجوله وأحد يمسك كتوفه وايدينه وصدقيني ماراح يتحرك وأنتي حطي التحميله له بسرعه
وأنا والله ما ألوم ولدك مسكين مافيه احد يحب التحاميل والأبر
الله يقومه بالسلامه وطمنينا عليه تحياتي لك

[فراولة توتي]

مشكورات حبيباتي على تفاعلكم معاي ما قصرتوا والله وانشالله المره الجايه بستخدم معه وضعية الكرسي اللي قلتي لي عليها يا lona
هو اليوم العصر كان نايم وجيت بعطيه التحميله وكنت منومته من دون ثياب مثل ما قلتوا لي
وجت ماما وزوجي ومسكوه الله يهديه وأنا قعدت أطلع التحميله من الكرتون وأفكها ومدري شلون انتبه لأنه نومه خفيف وقعد يتحرك بقووووووووه ويصييييح ويصارخ لكن أنا عطيته التحميله غصب وقعد يصيييييح ويصييييح وزعل علينا هههههههههههههه طول اليوم وهو مكشر قلت له اذا بتزعل على كل تحميله فانت بتقعد طول الأيام زعلان لانه كل يوم عندك تحميلتين لمدة اسبوع ياوليدي الله يهديه بس

[لابسة جلال صلاة]

الله يشفية يا رب بس لازم ياخذ التحميلة ومفعولها أكبر من العلاج