بكرية والخياطة..ياليت تساعدوني

[حرم عبودي]

السلام عليكم...

اخوتاتي انا توني والدة لي 4 ايام والخياطة مره توجعني لدرجة ماني قادرة اجلس
هل الالم عادي ومتى يبدءأ يخف
انا استخدم منقوع المر وكمان استخدم كريم افوميب مرتين في اليوم وصفتو لي الدكتورة

وقبل اولد ب5 ايام جاني التهاب ووصفت لي غسول اسمه نورووش وقالت استخدمي بعد الولادة للخياطة
بس لما رجعت البيت قريت المكونات فيها عطر وانا خايفة يضرني وش رايكم اترك المر هذا الاسبوع واستخدم الغسول
وارجع بعدين للمر

ياليت تساعدوني وتتخففو علي لان نفسيتي مره تعبانه من الخياطة ومن اللي شفته بالولادة
الله يكتبنا الاجر ان شاء الله ..الحمد الله على كل حال

[جمره غضى]

الحمدلله على سلامتك وسلامه البيبي طبيعي الخياطه توووجعك بس اهم شي سوي اللي بقولك عليه وان شاء الله ترتاحي


* حاولي ماتجهدين نفسك بالقومه والجلسه وخليكي اغلب الوقت مرتاحه

*اذا قمتي واذا مشيتي بشوووووويش وحاولي تضمي رجولك

*اذا غسلتي غسلي بمويه داااااافيه ومعها مطهر بيتادين ( طبي ومامنه ضرر ان شاء الله)

*احرصي مايجيك امساك كثري من السوائل وتقدرين تاخذين حبوب ملينه من الصيدليه على الاقل الين يلتئم الجرح ....... لانو الامساك ممكن يفك الخيوط


* اذا ماتقدرين تاخذين ملين من الصيدليه .. قبل النوم خذي ملعقه زيت زيتون .. واذا ماقدرتي تشربيها لحالها حطيها في عصير واشربيه تقومين من النوووم وعلى طووول على الحمام وترتاااااحين


*المر ماينصحون فيه العشرين اليوم الاولى على الاقل لانهااا تشد الخيوط وتفكها والجرح مو ملتم خلي المره بعد العشرين يوم عشان تتطمنين ان الجرح التئم


*فيه حريم ترتاح اذا حطت تحتها مخده وجلست انتي جربي اذا ماارتحتي شيليها


*اذا ما ارتحتي وانتي نايمه جربي تنامي على بطننننك .... انا كنت انام على بطني وارتاااااح من الم الخياطه


*انا جاني بعد الولاده عرررق مو طبيعي في منطقه الرااااس ... كاني مسبحه شعري من كثرته بدون ريحه فقط احس زي المووويه وهذا طبيعي الجسم يتخلص من السوائل الزااااااائده اللي كانت في جسمك مع الحمل


*لاتشيلين الشراب من رجلك ابدا ابدا يقولون الهوى يدخل من اصابعك ويسبب لك مغص والالام في الرحم والبسي سروال طووويل


*اذا حسيتي صدرك مليااااان حليب ومتحجر اشتري من الصيدليه شفاط خاص للصدر .... اشفطي الحليب وحطيه في الرضاعه ... لانو ممكن ترتفع حرارتك بسبب زياده الحليب في الصدر



والله يقووومك بالسلامه ولاتتعب نفسيتك ياعسل كلها فتره وتعدددي تتذكرينها بعدين مثل الحلم ووكل الحريم جربت الولاده الله يكتب اجرررنا

[shohrah]

الله يجزاك خير يا جمرة غضى

أنا نفس الشيء متعبتني الخياطة مره
بس عندي مخده حقت النفاس
جاتني هديه دايرية ومفرغه في النص مره مريحه
بس أفضل شيء لما أكون منسدحه وضامه رجولي
الله يعين بس وتطيح الغرز ويخف الألم

[ام اسكندر]

الالم طبيعي بس لاتحركي رجلينك كثير
واستخدمي الكريمات من الدكتورة

والله يسهل لك

[يمنية وافتخر]

الحمد لله على السلامة الخوات ماقصرين
بس انا اقول لك تجربتي انا ولدت وخيطت في رمضان
انا ما استخدمت المر الابعد الثلاثين اليوم وكنت استخدم كريم ما اذكر ايش اسمة ثلاث مرات يوميا
بعد ما تتغسلي بمطهر مو ديتول مطهر عادي اسألي الدكتورة وانصحك بالمشي والحركة
واذا الالم كثير ارجعي للدكتورة يمكن الخياطة مشدودة والله يشفيكي