عندي كيك بني .. وانتوا عطوني طريقه للكيك مفتت ..!!

[Almasah]

طلبي واضح من العنوان
مسويه من قبل كيك بني وماكلناها فقلت اسوي به طريقه ثانيه
كيك مفتت وفوقه شيء

بس ابيها من عندكم
كل وحده تدخل تحط لي طريقه واشوف اللي يناسبني ويعجبني بسويه تكفوووون
ومابي وحده تدخل تقول البنات يفيدونك ولا من هالكلام
ابي الردود كلها طرق للكيك البني

^_^

[روح الورد]

حبيبتي
مكن تعملي الكيك وبعدمااتفتفتيه بتحطيه بقوالب البيلسان
وبتحطي كريمه بيضا قطع شوكلاته مثل الهيرشي وبتحطيه بالثلاجه ليبرد

[جولييت]

حبيبتي سويه مثل الشيز كيك

يعني فتتي الكيك ورصيه بيدك وفوقه طبقة الشيز كيك((دوري طريقتها فالنت لاني مش حافظتها)) وفوقها حطي كرز وتطلع جونااااااااان

ولا سوي حلى الكاسات يعني الكيك من تحت وفوقه طبقه عباره عن((دريم وب وقشطه و2ملعقه حليب بودر و2ملعقه ماء وفانيلا وخلطي بالخلاط الي حق العصير عشان تكون شوي رخوه مش كريمه))وحطيها فوق الكيك وفوقه شوكولاته مذوبه في حمام مائي وخليها فالثلاجه 4 ساعات اممممممممم والله طعمها خيال

ادعيلي ياقمر

[موج الغلا]

سوي حلى الفورسيزن حلو وكشخه ااكتبي بقوقل وبيطلع لك روعه دايم اسويه والطبقه الاولى منه كيك بني مفتت

[ام تميم 66]

سوي حلا الطبقاات الى في الكييك المفتت,,,

[ღفـرآشـہ فوشـيـہღ]

هاذا الحلى مثل ما قالت لك اختي جوليت

المقادير:
علبة كيك بني - 3 ظرف كريمة دريم ويب - 1كاس حليب سائل - سكر ( حسب الرغبة )
1قشطة - 1 ملعقة نسكافيه - 1 ملعقة طعام بودرة كاكاو - نصف كاس حليب جاف

الطريقة :


كيكة بيتي كروكر بنية تسوى بالطريقة المعتادة وتترك حتى تبرد


وفي هذه الاثناء نحضر الكريمة وذلك لخلط الدريم ويب مع اضافة الحليب بالتدريج



مع مواصلة الخلط حنى تنفش الكريمة ثم نضيف القشطة والكاكاو والنسكافيه

والحليب الجاف مع زيادة السكر والكاكاو والنسكافيه حسب الذوق







بعد ماتبرد الكيكة تفتت باليد او بخلاط العصير وذلك بعد تقطيع الكيك الى قطع وتطحن قليلاً قليلاً




حتى لاتتعجن

ونحضر كاسات التقديم او صينية ونرص كمية من الكيك في قاع الكاس ونرصه جيداً باليد




ثم نضع كمية من خلطة الكريمة وممكن نكرر الطبقات وآخر طبقة تكون الكيك ويبرد الحلى جيداً




عند التقديم يزين الوجه بالفليك ويقدم



بالعاااااافية ....

منقول

[احلا بنت]

انا انصحج اذا فتتي الكيك صبي عليه او رشي عليه شوي حليب علشان يتماسك وبعدين تضعي الدريم وتوضعي بالثلاجه حتى يبرد ثم ضعي عالنار قدر وضعي فيه عصير مانجا ثم ظرف واحد كريم كراميل وحركه عالنار الهادئه ثم صبي فوق الدريم ثم ضعيه في الثلاجه حتي يبرد بعد ذلك طلعيه وجيبي غلاقة بطل ماء اكثر من وحده ووزعيها ثم رشي بودرة كاكاو على الشكل وبعدين شيلي الغلايق انا مجربته وانشاء الله فهمتيني.

[Almasah]

:)
حلووووووووووووووووين طرقكم
بجرب كل مره طريقه
واذا البنات بيزيدون نوبروبلم اسوي لي هالصفحه ملف مرجع هههه